កណ្ដាល៖ នៅថ្ងៃអាទិត្យ ១៥កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី០៥ ខែកុម្ភៈ ឆ្នាំ២០២៣ វេលាម៉ោង១៩នឹង០០នាទី នៅចំណុចតាមផ្លូវ២០៤ ភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល។
ជនរងគ្រោះ០១នាក់ មានឈ្មោះ សែម រតនា ភេទប្រុស អាយុ០៦ឆ្នាំ ជនជាតិខ្មែរ មានទីលំនៅភូមិ សង្កាត់កើតហេតុ មុខរបរសិស្ស។ ជនសង្ស័យ០១នាក់ មានឈ្មោះ ផល វាសនា ភេទប្រុស អាយុ២៩ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅខេត្តកណ្តាល(ឃាត់ខ្លួន) មានសារធាតុញៀនក្នុងទឹកនោម(+)ធ្លាប់ជាប់ពន្ធគារពីបទលួចកាលពីឆ្នាំ២០១៨ រយៈពេល១ឆ្នាំកន្លះ។
វត្ថុតាងដកហូត៖ ម៉ូតូ ០១គ្រឿង ម៉ាកHonda C១២៥ ពណ៏ខ្មៅ សេរី២០០៨ ស្លាកលេខភ្នំពេញ ១AL៣៨៦០ (របស់ជនសង្ស័យ) និងទូរសព្ទ័០១គ្រឿងម៉ាកoppo A១៥ ពណ៏ខ្មៅ(របស់ជនរងគ្រោះ)។
គួរបញ្ជាក់ថាកាលពីវេលាកើតហេតុខាងលើ ពេលជនរងគ្រោះកំពុងដើរកាន់ទូរសព្ទ័ ក៏ស្រាប់តែមានជនសង្ស័យម្នាក់ខាងលើបានជិះម៉ូតូ០១គ្រឿង បានមកធ្វើសកម្មភាពឆក់ទូរសព្ទ័ពីដៃជនរងគ្រោះ ហើយជិះរត់គេចខ្លួនបាត់ទៅ។ លុះមកដល់ថ្ងៃទី០៦ ខែកុម្ភៈ ឆ្នាំ២០២៣ ក៏ត្រូវសមត្ថកិច្ចប៉ុស្តិ៍ដើមមៀនធ្វើការឃាត់ខ្លួនបានជនសង្ស័យ និងវត្ថុតាងបញ្ជូនមកកាន់អធិការដ្ឋាននគរបាលក្រុងតាខ្មៅ ចាត់ការតាមនិតិវិធីតែម្តង។ បច្ចុប្បន្នជនសង្ស័យកំពុងឃាត់ខ្លួនបណ្តោះអាសន្ននៅអធិការដ្ឋានដើម្បីចាត់ការតាមនិតិវិធី៕
ប្រភព៖ នាយកដ្ឋានផ្សព្វផ្សាយអប់រំ
