ព្រះសីហនុ៖ ក្រោយបណ្តែតខ្លួនលើផ្ទៃសមុទ្រជាង១៤ម៉ោង អត់បាយអត់ទឹក ជនរងគ្រោះ២នាក់ដែលលិចទូកក្នុងលម្ហសមុទ្រចន្លោះពីកោះរ៉ុងមកក្រុងព្រះសីហនុ កាលពីយប់ទៀបភ្លឺថ្ងៃ៣០មករា២០២៣ ក្រោយជួយស្រង់បាន ត្រូវបានក្រុមសង្គ្រោះនិងសមត្ថកិច្ចរៀបចំផ្តល់អាហារបាយទឹកជូនពិសារ មុននឹងដឹកបញ្ជូនតាមអូប៊រ័ល្បឿនលឿនរបស់លោកឧកញ៉ា ទៀ វិចិត្រ នាំយកមកដីគោកក្រុងព្រះសីហនុដើម្បីបញ្ជូនបន្តទៅព្យាបាលនៅមន្ទីរពេទ្យ នេះបើតាមការបញ្ជាក់ប្រាប់ពីលោកឧត្តមសេនីយ៌ទោ ជួន ណារិន្ទ ស្នងការនគរបាលខេត្តព្រះសីហនុ។
លោកឧត្តមសេនីយ៌ទោ ជួន ណារិន្ទ បានថ្លែងអំណរគុណដល់លោកឧកញ៉ា ទៀ វិចិត្រដែលបញ្ជូនក្រុមការងារសង្គ្រោះសហការជាមួយនគរបាលចរាចរណ៍ផ្លូវទឹកស្នងការដ្ឋាននគរបាលខេត្ត អាជ្ញាធរពាក់ពន្ធ័និងមានការចូលរួមពីពលរដ្ឋល្អ រហូតដល់សង្គ្រោះជនរងគ្រោះទាំង២នាក់រួចផុតពីគ្រោះថ្នាក់ដល់អាយុជីវិត៕
ប្រភព៖ នាយកដ្ឋានព័ត៌មានក្នុង និងក្រៅប្រទេស
