ភ្នំពេញ ៖ កម្លាំងអធិការដ្ឋាននគរបាលខណ្ឌប្ញស្សីកែវ នៅថ្ងៃទី២៨ ខែមករា ឆ្នាំ២០២៣ បានស្រាវជ្រាវឃាត់ខ្លួនក្រុមក្មេងទំនើង៨នាក់ ប្រើកាំបិតប័ងតោ ស្ទាក់កាប់ជនរងគ្រោះបណ្តាលឲ្យរបួសធ្ងន់ ។
តាមរបាយការណ៍របស់សមត្ថកិច្ចបានឲ្យដឹងថា នៅថ្ងៃទី២៧ ខែមករា ឆ្នាំ២០២៣ វេលាម៉ោង១៤:៣០រសៀល នៅចំណុចផ្លូវបេតុងភូមិទួលពពែ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ មានករណីក្មេងទំនើងមួយក្រុមមានគ្នា១២នាក់ បានធ្វើសកម្មភាពស្ទាក់កាប់ជនរងគ្រោះ២នាក់បណ្តាលឲ្យរងរបួសធ្ងន់ ។ ជនរងគ្រោះទី១ ឈ្មោះ គ្រី ណាសាការ ភេទប្រុស អាយុ១៦ឆ្នាំ ខ្មែរអ៊ីស្លាម មុខរបរសិស្សស្នាក់នៅផ្ទះលេខ៣០៣៣ ក្រុមទី៧ភូមិ ក សង្កាត់ ច្រាំងចំរះទី២ ខណ្ឌ ឬស្សីកែវ រាជធានីភ្នំពេញ (របួសធ្ងន់)។ ជនរងគ្រោះទី២ ឈ្មោះ រី ណារុន ភេទប្រុស អាយុ ១៥ឆ្នាំ មុខរបរ សិស្ស ស្នាក់នៅភូមិ ក សង្កាត់ច្រាំចំរេះ២ ខណ្ឌឬស្សីកែវ រាជធានីភ្នំពេញ (របួសស្រាល)។
ជនសង្ស័យទាំង៨នាក់ ក្នុងចំណោមបក្ខពួក១២នាក់ រួមមាន ៖
១ ឈ្មោះ សុខ ជា ភេទ ប្រុស អាយុ ១៥ឆ្នាំ ស្នាក់នៅ បន្ទប់ជួល ភូមិចុងខ្សាច់ សង្កាត់ទួលសង្កែ១ ឫស្សីកែវ ភ្នំពេញ។
២ ឈ្មោះ តុង ម៉េងលី ភេទប្រុស អាយុ ១៦ ឆ្នាំ ស្នាក់នៅមិនពិតប្រាកដ។
៣ ម៉ៅហឿន មិថុនា ភេទប្រុស អាយុ១៥ឆ្នាំ ស្នាក់នៅមិនពិតប្រាក។
៤ ឈ្មោះ ហុក សុធារិទ្ធ ភេទប្រុស អាយុ១៦ឆ្នាំ ស្នាក់នៅ បន្ទប់ជួល ភូមិទួលថ្ងាន់ សង្កាត់ ទួលសង្កែ២ ឫស្សីកែវ ភ្នំពេញ។
៥ ឈ្មោះ ហួត ចាន់តារាពេជ្រ ភេទប្រុស អាយុ ១៥ឆ្នាំ ស្នាក់នៅបន្ទ់ជួល ផ្លូវ១០៣ ក្រុម៧ សង្កាត់ទួលសង្កែ២ ឫស្សីកែវ។
៦ ឈ្មោះ យ៉េត រ៉ាវី ភេទប្រុស អាយុ១៤ ស្នាកនៅផ្លូវ រថភ្លើង សង្កាត់បឹងកក់ទី១ ខណ្ឌដូនពេញ ភ្នំពេញ។
៧ ឈ្មោះ សុគន្ធ បញ្ញា ភេទប្រុស អាយុ១៦ឆ្នាំ ស្នាក់នៅផ្លូវបេតុង ភូមិទួលថ្ងាន់ សង្កាត់ទួលសង្កែ២ ឫស្សីកែវ ភ្នំពេញ។
៨ ទឹម បញ្ញា ភេទប្រុុស អាយុ ១៥ឆ្នាំ ស្នាក់នៅផ្លូវ៩០៧ ភូមិទួលសង្កែ សង្កាត់ទួលសង្កែ១ ឫស្សីកែវ ភ្នំពេញ ។
វត្ថុតាងចាប់យករួមមាន ៖ កាំបិតប័ងតោចំនួន ០២, ម៉ូតូ០២ គ្រឿង, ម៉ូតូស្មាក់វី (smak v) ពណ៌ទឹកប្រាក់ ស្លាក់លេខ ភ្នំពេញ ១IT-1915. លេខតួ លេខម៉ាសុីន ១៥៧៤១៦, ម៉ូតូស្កូពី (scoops) ពណ៍ខ្មៅ ពាក់ស្លាក់លេខ កណ្ដាល 1W-0883. លេខួ 8102178។ បច្ចុប្បន្ន ជនសង្ស័យបានកសាងសំណុំរឿងបញ្ជូនទៅសាលាដំបូងចាត់ការតាមច្បាប់៕
ប្រភព៖ អគ្គស្នងការដ្ឋាននគរបាលជាតិ
