សមត្ថកិច្ចចុះចាប់ទីតាំងបោះដុំ ចែកចាយ បារីអេឡិចត្រូនិក មួយកន្លែង ដកហូតបាន

សៀមរាប៖ ដោយអនុវត្តតាមបទបញ្ជារបស់លោកឧត្តមសេនីយ៍ទោ តេង ច័ន្ទណាត ស្នងការនគរបាលខេត្តសៀមរាប ដឹកនាំដោយលោកឧត្តមសេនីយ៍ត្រី អ៊ុំ អមរា ស្នងការរង ទទួលផែនប្រឆាំងគ្រឿងញៀន និងលោកវរសេនីយ៍ឯង អ៊ុំ សាអាត នាយការិយាល័យប្រឆាំងគ្រឿងញៀន នៅថ្ងៃទី២៦ ខែមករា ឆ្នាំ២០២៣ វេលាម៉ោង ១៥និង១០នាទី កម្លាំងការិយាល័យប្រឆាំងគ្រឿងញៀន បានចុះអនុវត្ត វិធានការរដ្ឋបាល ទីតាំងមួយកន្លែងស្ថិតនៅ ភូមិវិហារចិន សង្កាត់ស្វាយដង្គំ ក្រុងសៀមរាប ខេត្តសៀមរាប ដែលជាកន្លែងធ្វើអាជីវកម្ម បោះដុំ ចែកចាយ នូវប្រភេទបារីអេឡិចត្រូនិក ( ECigarett ) និងអេចឈ៍ ធី ភី ដែលតែងហៅថា (Hybrid ) បានធ្វើការដកហូត មានចំនួនសរុប ១៨ កេសធំ ៤៧កេសតូច។ យើងបានធ្វើកិច្ចសន្យាលើកទី១ ចំពោះម្ចាស់ទីតាំង និងម្ចាស់អាជីវកម្ម អោយបញ្ឈប់ធ្វើសកម្មភាព នាំចូល និងលក់ចែកចាយចាប់ពីពេលនេះតទៅ ។

កន្លងមកផែនការងារប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាប បានធ្វើការអប់រំផ្សព្វផ្សាយណែរនាំ និងហាមឃាត់មិនឲ្យមានការចរាចរណ៍នាំចូល និងចែកចាយផលិតផល SISHA បារីអេឡិចត្រូនិក( ECigarett ) និងអេចឈ៍ ធី ភី ដែល តែងហៅថា (Hybrid)៕

ប្រភព៖ អគ្គស្នងការដ្ឋាននគរបាលជាតិ