កំពង់ស្ពឺ៖ នៅផ្លូវជាតិលេខ៥១ ស្រុកឧដុង្គ វេលាម៉ោង ០៦ និង ២០ នាទី មានរថយន្តដឹកកម្មកររោងចក្រ ម៉ាកហាន់ដាយ ពណ៌ស ដឹកកម្មករ កម្មការិនី ៦៥ នាក់ ស្រី ៦០ បានក្រឡាប់នៅលើផ្លូវជាតិលេខ ៥១ នៅចំណុចភូមិស្តុកស្លាត ឃុំភ្នំតូច បណ្តាលអោយរបួសមនុស្ស ធ្ងន់ ស្រាលចំនួន ៦ នាក់។
មូលហេតុ សាក្សីថាមកពី រថយន្តបើកវ៉ាជែងមិនប្រុងប្រយ័ត្ន ដោយការបើកល្បឿនលឿន។ សមត្ថកិច្ចនគរបាលស្រុក និងជំនាញចរាចរណ៍ខេត្ដកំពង់ស្ពឺ កំពុងអន្ដរាគមន៍ជួយសម្រួល និងបញ្ជូនបងប្អូនទៅមន្ទីរពេទ្យ៕
ប្រភព៖ ស្នងការដ្ឋាននគរបាលខេត្តកំពង់ស្ពឺ
