ភ្នំពេញ៖ កាលពីម៉ោងប្រមាណ ៥:០០នាទីទាបភ្លឺ ថ្ងៃទី០៣ ខែមករា ឆ្នាំ២០២៣ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ៣៧១ សង្កាត់ដង្កោ ខណ្ឌដង្កោ រាជធានីភ្នំពេញ ដោយរថយន្តមួយគ្រឿងបុកទ្វាផ្ទះប្រជាពលរដ្ឋ។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់បេីករថយន្ដម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ ២AT-០២៥០ បានបេីករ៉េចង្កូតទៅបុកទ្វាផ្ទះប្រជាពលរដ្ឋមួយកន្លែងបណ្ដាលឲ្យរងការខូចខាត។ ក្រោយពេលកេីតហេតុភាគីទាំង២ បានធ្វើការចរចាគ្នាដោះស្រាយបញ្ចប់រឿងនៅកន្លែងកេីតហេតុតែម្តង៕
