ភ្នំពេញ៖ កាលពីម៉ោងប្រមាណ ៩៖៤០នាទីយប់ ថ្ងៃទី០១ ខែមករា ឆ្នាំ២០២៣ មានករណីគ្រោះថ្នាក់ចរាចរណ៍មួយ បានកើតឡើងនៅចំនុចបណ្ដោយផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។
បើតាមប្រភពពីសមត្ថកិច្ចបានអោយដឹងថា មានបុរសម្នាក់បេីករថយន្តម៉ាក CVR មានពាក់ស្លាកលេខភ្នំពេញ ២E-១២៥១ បានបុកជាមួយនឹងថ្មពុះចែកទ្រូងផ្លូវ បណ្ដាលអោយអ្នកបេីកបររថយន្តបានស្លាប់ភ្លាមៗនៅនឹងកន្លែងកើតហេតុតែម្តង។ ក្រោយពេលកេីតសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែង ហើយបានយករថយន្តទៅរក្សាទុករងចាំការដោះស្រាយនៅពេលក្រោយ ដោយឡែកសពជនរងគ្រោះត្រូវបានប្រគល់អោយគ្រួសារយកទៅធ្វេីបុណ្យទៅតាមប្រពៃណី៕
