ភ្នំពេញ៖ កាលពីម៉ោងប្រមាណ ៨:៤០នាទីយប់ ថ្ងៃទី២៦ ខែធ្នូ ឆ្នាំ២០២២ មានហេតុការណ៍បុករះមួយបានកើតឡើងនៅចំនុចបណ្ដោយផ្លូវបេតុង ភូមិតាងួន២ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ដែលបង្កឡើងដោយរថយន្តមួយគ្រឿង។
តាមប្រភពពីសមត្ថកិច្ចបានអោយដឹងថា មានបុរសជនជាតិបរទេសម្នាក់បានបេីករថយន្ដម៉ាក NISSAN ពាក់ស្លាកលេខ ភ្នំពេញ ២BG-១៧៦៩ បានបេីករ៉េចង្កូតបុករះផេីងផ្កានៅមុខផ្ទះប្រជាពលរដ្ឋបែកអស់ជាច្រេីន និងបន្តទៅបុកម៉ូតូពីរគ្រឿងផ្សេងទៀតបណ្ដាលឲ្យនារីម្នាក់រងរបួសធ្ងន់ និងបុរសម្នាក់រងរបួសស្រាល។ ដោយឡែកម្ចាស់រថយន្ដបន្ទាប់ពីបុករះរួចហើយ ក៏បានដេកស្លាប់នៅក្នុងរថយន្ដដោយមិនដឹងមូលហេតុ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះទៅកន្លែងកើតហេតុដើម្បីធ្វេីការវាស់វែង និងយកម៉ូតូនិងរថយន្ដទៅរក្សាទុក ដើម្បីទុកដោះស្រាយនៅពេលក្រោយ៕
