បាត់ដំបង ៖ នៅថ្ងៃទី២៥ ខែធ្នូ ឆ្នាំ២០២២ វេលាម៉ោង ១១និង៣០នាទី នៅចំណុចក្រុមទី២ ភូមិកៀនកែស១ ឃុំគោកឃ្មុំ ស្រុកថ្មគោល ខេត្តបាត់ដំបង មានករណីអគ្គិភ័យកើតឡើង បណ្តាលឱ្យឆេះក្បាលរថភ្លើង របស់ក្រុមហ៊ុន ROYAL RAIL WAY អ្នកបើកបរឈ្មោះ ឆន ផាន់នី ភេទប្រុស អាយុ៣១ឆ្នាំ មានទីលំភូមិបឹងគ្រំ លើ ឃុំបឹងគ្រំ ស្រុកល្វាឯម ខេត្តកណ្តាល ។
លោកវរសេនីយ៍ទោ ប៉ាង ផង់ អធិការស្តីទីនគរបាលស្រុកថ្មគោល បានរាយការណ៍អោយដឹងថា គ្រោះអគ្គិភ័យនេះបណ្តាលអោយខូចខាត ក្បាលម៉ាស៊ីនរថភ្លើង ០១គ្រឿង (ខូចខាត៥០%) តែមិនបង្កអោយមានការរងរបួសដល់មនុស្យ និងមិនមានខូចខាតដល់ស្រូវ ។
ចំពោះមូលហេតុ គឺបណ្តាលមកពីក្បាលរថភ្លើងតូចសណ្តោងចំនួន១២ទូ ផ្ទុកស្រូវ៧២០តោន លើសកម្លាំងម៉ាស៊ីនធ្វើអោយឱ្យម៉ាស៊ីនប្រឹងអូសកកិតចេញភ្លើងឆាបឆេះតែម្តង ។
ករណីនេះ កម្លាំងនគរបាលស្រុកថ្មគោលបានដឹកនាំកម្លាំងចុះពន្លត់អគ្គិភ័យនេះដោយប្រើប្រាស់រថយន្តពន្លត់អគិ្គភ័យនៃអធិការស្រុកចំនួន០១គ្រឿង និងបំពង់ពន្លត់អគ្គិភ័យក្រុមហ៊ុនចំនួន០៨ ទើបគ្រប់គ្រងស្ថានការណ៍អគ្គីភ័យនេះបានទាំងស្រុង ៕
ប្រភព៖ អគ្គស្នងការដ្ឋាននគរបាលជាតិ
