បន្ទាយមានជ័យ ៖ ជនសង្ស័យម្នាក់ត្រូវបានកម្លាំងនគរបាលប៉ុស្តិ៍ប៉ុស្តិ៍សង្កាត់និមិត្ត និងកម្លាំងអធិការដ្ឋាននគរបាលក្រុងប៉ោយប៉ែត បានចុះឃាត់ខ្លួនយកទៅសួរនាំភ្លាមៗ ក្រោយពីមានប្រជាពលរដ្ឋប្តឹងថា បានលួងលោមនិងចាប់រំលោភកូនអ្នកស្រុកបានសម្រេចជាច្រើនដង នៅភូមិកូនដំរី សង្កាត់និមិត្ត កាលពីថ្ងៃព្រហស្បតិកន្លងទៅ ។
សមត្ថកិច្ចបានឲ្យដឹងថា នៅថ្ងៃទី២៣ ខែធ្នូ ឆ្នាំ២០២២ វេលាម៉ោង១០និង១០នាទី កម្លាំងប៉ុស្តិ៍នគរបាលរដ្ឋបាលនិមិត្តបានទទួលបណ្ដឹងរបស់ឈ្មោះ មឿន មុំ ភេទស្រី អាយុ៣០ឆ្នាំ មុខរបរមេផ្ទះ រស់នៅភូមិកូនដំរី សង្កាត់និមិត្ត ក្រុងប៉ោយប៉ែត បានប្ដឹងថា ឈ្មោះ ពៅ សុខឃឿន ហៅតឿ ភេទប្រុស អាយុ៣០ឆ្នាំ មុខរបរបើកបរឡានកុងទីន័រ បានលួងលោមក្មួយស្រីនាងខ្ញុំឈ្មោះ ឡ.ប.ឡ អាយុ១៣ឆ្នាំ ធ្វើការរំលោភរហូតដល់ទៅ៨ដង សរុបដល់ថ្ងៃទី១៧-១៨-១៩ ខែធ្នូ ឆ្នាំ២០២២ ដល់លួងលោមរំលោភចុងក្រោយក្នុងខែធ្នូ ឆ្នាំ២០២២ នេះទើបនាងខ្ញុំដឹងពេលក្មួរបស់ខ្លួនបាត់រដូវជាច្រើនថ្ងៃ ក្រោយសួនាំទើបដឹងពីរឿងរ៉ាវទាំងនេះ ។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត បានឲ្យដឹងថា ក្រោយទទួលបណ្តឹងពីភាគីជនរងគ្រោះ និងបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកក៏បានដឹកនាំកម្លាំងនគរបាលប៉ុស្តិ៍រដ្ឋបាលនិមិត្ត និងកម្លាំងអធិការដ្ឋានចុះស្រាវជ្រាវនិងបានឃាត់ខ្លួនជនសង្ស័យជនសង្ស័យឈ្មោះ ពៅ សុខឃឿន ហៅតឿ ភេទប្រុស អាយុ ៣០ឆ្នាំ មុខរបរបើកបរឡានកុងទីន័រ ទីលំនៅបច្ចុប្បន្នភូមិអង្គរបានទី៩ ឃុំអង្គរបាន ស្រុកកងមាស ខេត្តកំពង់ចាម យកមកសួរនាំ ។
នៅចំពោះមុខសមត្ថកិច្ច ជនសង្ស័យបានសារភាពថា កាលពីខែសីហា ឆ្នាំ២០២២ ដល់ថ្ងៃទី១៩ ខែធ្នូ ឆ្នាំ២០២២ រូបគេពិតបានលួងលោមរួមភេទជាមួយឈ្មោះ ឡ.ប.ឡ អាយុ១៣ឆ្នាំ ចំនួន៥ដង នៅចំណុចបរិវេណការាសឡានរបស់ឈ្មោះ មឿន មុំ ភេទស្រី នៅភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ពិតមែន។
បច្ចុប្បន្ន ក្រោយសួរនាំនៅថ្ងៃទី២៤ ខែធ្នូ ឆ្នាំ២០២២នេះ ជនសង្ស័យត្រូវបានបញ្ជូនទៅការិយាល័យនគរបាលប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តបន្ទាយមានជ័យ ដើម្បីកសាងសំណុំរឿងបញ្ជូនទៅតុលាការចាត់ការបន្តតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
