ភ្នំពេញ៖ កាលពីម៉ោងប្រមាណ ១១:១០នាទីយប់ ថ្ងៃទី២៣ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ២០០៤ សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ ដោយរថយន្ត ២គ្រឿងបានបុកគ្នាយ៉ាងពេញទំហឹង។
បើយោងតាមប្រភពពីកន្លែងកើតហេតុបានអោយដឹងថា មានរថយន្ដព្រូសមួយគ្រឿង ពណ៌ក្រហម ពាក់ស្លាកលេខ ភ្នំពេញ ២Y-៨០២៥ បានបេីកបុកជាមួយរថយន្ដមួយគ្រឿងទៀតម៉ាក ហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ ២AH-៤២២១ យ៉ាងពេញទំហឹងបណ្ដាលឲ្យរងការខូចខាតយ៉ាងដំណំទាំងសងខាង ប៉ុន្តែមិនមានអ្នករងរបួសនោះទេ។។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែង និងយករថយន្តទាំងពីរទៅរក្សាទុករងចាំការដោះស្រាយនៅពេលក្រោយ៕
