ភ្នំពេញ៖ កាលពីម៉ោងប្រមាណ ១០:១០នាទីយប់ ថ្ងៃទី២៣ ខែធ្នូ ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវសហព័ន្ធរុស្ស៊ី សង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ បណ្តាលអោយមានអ្នករបួសធ្ងន់ និងត្រូវបញ្ចូនទៅមន្ទីរពេទ្យ។
បើយោងតាមប្រភពពីកន្លែងកើតហេតុបានអោយដឹងថា មានបុរសម្នាក់ជិះម៉ូតូ ឌ្រីមសង់ ពាក់ស្លាកលេខ ភ្នំពេញ ១GH-៦៣៥១ បានជិះបុករថយន្ដម៉ាក TACOMA ពណ៌ស ពាក់ស្លាកលេខ កម្ពុជា LHB.A៨៥៥ យ៉ាងពេញទំហឹង ខណៈរថយន្តកំពុងបេីកឆ្លងផ្លូវ បណ្ដាលឲ្យរងការខូចខាត ដោយឡែកម្ចាស់ម៉ូតូរងរបួសធ្ងន់បញ្ជូនទៅមន្ទីរពេទ្យ ។
ក្រោយកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ បានចុះមកធ្វេីការវាស់វែងយករថយន្តនិងម៉ូតូទៅរក្សាទុករងចាំការដោះស្រាយនៅពេលក្រោយ៕
