កោះកុង៖ ថ្ងៃសុក្រ ១១ កើត ខែកត្តិក ឆ្នាំខាលចត្វាស័ក ពុទ្ធសករាជ ២៥៦៦ត្រូវនឹងថ្ងៃទី៤ ខែវិច្ឆិកា ឆ្នាំ២០២២ វេលម៉ោង១៦:២០នាទីល្ងាច កម្លាំងអធិការដ្ឋាននគរបាលស្រុកមណ្ឌលសីមា នៃស្នងការដ្ឋាននគរបាលខេត្តកោះកុង បានឃាត់ខ្លួនមុខសញ្ញាសង្ស័យចំនួន ០២នាក់ប្តី-ប្រពន្ធ តាមបណ្តឹងរបស់ឈ្មោះ លឹម មុំ ភេទស្រី អាយុ៥៩ឆ្នាំ ជនជាតិខ្មែរ មានទីលំនៅភូមិ២ សង្កាត់ទំនប់ទឹក ខ័ណ្ឌចំការមន រាជធានីភ្នំពេញ ជនសង្ស័យមានឈ្មោះដូចខាងក្រោម ៖
១-ឈ្មោះ អ៊ុំ គឹមធឿន ជាប្តី មានអាយុ ៥១ឆ្នាំ ជនជាតិខ្មែរ មុខរបរនេសាទ
២-ឈ្មោះ ឡុង រីណា ជាប្រពន្ធ មានអាយុ ៥២ឆ្នាំ ជនជាតិខ្មែរ មុខរបរមេផ្ទះ។
គួរបញ្ជាក់ថាមុខសញ្ញាសង្ស័យពីរនាក់ប្តីប្រពន្ធ បាននៅចាំដីឲ្យឈ្មោះ លឹម មុំ នៅចំណុចដីស្រែបង្គារ ស្ថិតនៅភូមិ១ ឃុំពាមក្រសោប ស្រុកមណ្ឌលសីមា ខេត្តកោះកុង លុះដល់ម្ចាស់ដីឈប់ឲ្យចាំ ឲ្យរុះរើផ្ទះ និងសម្ភារចាកចេញ គាត់មិនព្រមចេញ បើចេញលុះត្រាតែម្ចាស់ដីឲ្យលុយគាត់ចំនួន ២៥,០០០$ (ពីម៉ឺនប្រាំពាន់ដុល្លារ) ដោយម្ចាស់ដី ថាពួកគាត់ទាំងពីររស់នៅចាំដី នេះយូរហើយ និងបានចិញ្ចឹមក្តាម-ត្រីមិនទាន់ធំ ពួកគាត់តែងតែចាប់លក់អស់។
បច្ចុប្បន្នកម្លាំងជំនាញយេីង បានបំពេញសំណុំរឿងបញ្ជូនទៅសាលាដំបូងខេត្ត ចាត់ការបន្តតាមនីតិវិធី៕
ប្រភព៖ នាយកដ្ឋានផ្សព្វផ្សាយអប់រំ
