ស្លាកសញ្ញាដាក់ខ្ពស់ប៉ុណ្ណឹងហើយ!! នៅតែរថយន្តធំតាមទៅបុកដល់ទៀត

ព្រះសីហនុ៖ របាំងដែកដែលអាជ្ញាធរដាក់បិទហាមឃាត់មិនឲ្យរថយន្តធុនធំបើកបរឆ្លងកាត់តាមផ្លូវចំណោតមួយចំនួនក្នុងក្រុងព្រះសីហនុ ត្រូវបានរថយន្តមួយចំនួនបំពាន បើកបុកជាបណ្តើរៗហើយ។

សុំបញ្ជាក់ថាដូចការគ្រោងទុក អាជ្ញាធរបានតម្លើងរបាំងដែកបិទហាមឃាត់មិនឲ្យរថយន្តធុនធំបើកបរឆ្លងកាត់តាមផ្លូវចំណោត (ងាយគ្រោះថ្នាក់)មួយចំនួនក្នុងក្រុងព្រះសីហនុ។ ទោះជាយ៉ាងនេះក្តី បើតាមសមត្ថកិច្ចឲ្យដឹងថា ក្នុងករណីពិសេសឧទាហរណ៏ដូចជាមានករណីអគ្គិភយ័ឬតម្រូវការចាំចាច់ណាមួយក្នុងការប្រើប្រាស់រថយន្តធុនធំ មន្ទីរសាធារណៈការខេត្ត មានសោរអាចបើកបាន មិនចោទជាបញ្ហាទេ៕