ភ្នំពេញ៖ ករណី ឆក់ទូរស័ព្ទ កាលពីថ្ងៃទី២៤ ខែតុលា ឆ្នាំ២០២២ ទៅលេីស្រ្តីជនជាតិរុស្សី បានសម្រេច ត្រង់ចំណុចកែងទូតរុស្សី សង្កាត់ទន្លេបាសាក់ ខណ្ឌចំការមន រាជធានីភ្នំពេញ ត្រូវបានការិយាល័យព្រហ្មទណ្ឌតម្រិតស្រាល នៃ នាយកដ្ឋាននគរបាលព្រហ្មទណ្ឌ បង្រ្កាបបាន ។
ប្រតិបត្តិការនេះធ្វើឡើងក្រោមការណែនាំផ្ទាល់ពីឯកឧត្តម នាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ និងអគ្គស្នងការរងទទួលផែន និងចង្អុលបង្ហាញបញ្ជាដឹកនាំដោយ ឯកឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ។
ក្រោយទទួលបានបទបញ្ជាដ៏ម៉ឺងម៉ាត់ លោកឧត្តមសេនីយ៍ត្រី ប៊ុត វណ្ណារដ្ឋ អនុប្រធាននាយកដ្ឋាននគរបាលព្រហ្មទណ្ឌ បានដឹកនាំកម្លាំងដោយផ្ទាល់ ហេីយធ្វេីការស្រាវជ្រាវនឹងបេីកការស៊េីបអង្កេតកំណត់មុខសញ្ញា ឃាត់ខ្លួនជនសង្ស័យចំនួន០១នាក់នៅថ្ងៃទី៣០ ខែតុលា ឆ្នាំ២០២២ ត្រង់ចំណុចផ្លូវលេខ១៨៤ សង្កាត់ផ្សារថ្មីទី៣ ខណ្ឌដូនពេញ ដែលបានធ្វេីសកម្មភាពឆក់ទូរស័ព្ទពីនារីម្នាក់(ជនជាតិរុស្សុី)កំពុងដេីរបានសំរេចកាលពីថ្ងៃទី២៤ខែតុលាឆ្នាំ២០២២វេលាម៉ោង១០៖៥៥នាទីនៅផ្លូវសុធារសកែងផ្លូវរដ្ឋសភា សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ក្រោយពីបានធ្វេីការសាកសួរជនសង្ស័យឈ្មោះ វ៉ា មករាភេទប្រុស អាយុ២២ឆ្នាំ ជនជាតិខ្មែរ រួចមក ជនសង្ស័យខាងលេី បានសារភាពថា ពិតជាបានធ្វេីសកម្មភាពឆក់ទូរស័ព្ទ ពីស្រ្តីជនជាតិរុស្សី កាលពីថ្ងៃទី២៤ ខែតុលា ឆ្នាំ២០២២ ពិតប្រាកដមែន ។ បច្ចុប្បន្នជនសង្ស័យខាងលេី ការិយាល័យកំពុង កសាងសំណុំរឿង បញ្ជូនទៅអយ្យការអមសាលាដំបូងរាជធានីភ្នំពេញដំបូង៕
ប្រភព៖ កងម៉ូតូប្រដេញនាយកដ្ឋាននគរបាលព្រហ្មទណ្ឌ
