បាត់ដំបង៖ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលខេត្តបាត់ដំបង មានកិត្តិយសសូមគោរពជម្រាបជូនសាធារណជនអ្នកសារព័ត៌មាននិងអ្នកនិយមប្រេីប្រាស់បណ្តាញ សង្គមបានជ្រាបថា នៅថ្ងៃទី១៥ខែតុលាឆ្នាំ២០២២ នេះបានឃេីញឃ្លីបវីដេអូមួយដែលផ្សព្វផ្សាយក្នុងបណ្តាញសង្គមពីករណីកក្មេងៗស្លៀក ពាក់ជាសិស្សសាលាបានបង្ហនូវករណីវា.យត.ប់គ្នានៅខាងមុខសាលារៀនមួយកន្លែង។
រូបភាពវីដេអូខ្លីនេះបាននាំបង្កឱ្យមានការរិះគន់ពីមហាជនអ្នកប្រេីប្រាស់បណ្តាញសង្គម និងជាហេតុបង្កឱ្យប៉ះពាល់ដល់សន្តិសុខ សណ្តាប់ធ្នាប់ក្នុងសង្គម។ បន្ទាប់ពីបានពិនិត្យឃេីញរូបភាពនេះ និងស្របតាមយោបល់ក្រុមការងារប្រតិកម្មរហ័សនៃអគ្គស្នងការដ្ឋាននគរបាលជាតិ លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរ បាលខេត្តបាត់ដំបង បានចាត់តាំងឱ្យក្រុមការងារប្រតិកម្មរហ័សនៃស្នងការដ្ឋាននគរបាលខេត្តបាត់ដំបង រួមសហការជាមួយអធិការដ្ឋាននគរបាលស្រុកបវេលដែលមានលោកវរសេនីយ៍ឯក សុខ សារិន ជាអធិការនគរបាលស្រុកធ្វេីការស្រាវជ្រាវចំពោះរូបភាពមួយនេះ។
នៅរសៀលថ្ងៃដដែលនេះសមត្ថកិច្ចនគរបាលស្រុក បានស្រាវជ្រាវឃេីញរហូតនាំខ្លួនពួកគេចំនួន០៣នាក់មកកាន់អធិការដ្ឋាននគរបាលស្រុកធ្វេីការសាក សួរស្រាវជ្រាវ និងមានលទ្ធផលដូចខាងក្រោម៖
– ករណីហិ.ង្សានេះកេីតឡេីងកាលពីថ្ងៃទី១៤ ខែ តុលា ឆ្នាំ២០២២ វេលាម៉ោង៩និង៤០នាទីនៅខាងមុខវិទ្យាល័យបវេល ស្រុកបវេល ខេត្តបាត់ដំបង។
– ករណីនេះបង្កដោយក្រុមសិស្សសាលាចំនួន០២ក្រុម កេីតរឿងទំនាស់ពាក្យសំដីហេីយបង្កជាករណីហិ.ង្សានេះឡេីង។
– ករណីនេះមិនបានបណ្តាលឱ្យភាគីណាមួយក្នុងជម្លោះមានរបួសអ្វីធំដុំនោះទេ។
នៅពេលធ្វេីការសាកសួររួច អាណាព្យាបាលរបស់ពួកគេព្រមទាំងនាយកសាលាផងបានសុំធានាយកពួកគេទាំង០៣នាក់ទៅអប់រំបន្តនៅមូលដ្ឋាន ហេីយជាមួយនេះសមត្ថកិច្ចនគរបាលធ្វេីកិច្ចសន្យាឱ្យពួកគេបញ្ឈប់សកម្មភាពបែបនេះជាបន្តទៀតមុន ពេលអនុញ្ញាតឱ្យទៅមូលដ្ឋានវិញ៕
ប្រភព៖ ស្នងការដ្ឋាននគរបាលខេត្តបាត់ដំបង
