ភ្នំពេញ៖ កាលពីម៉ោងប្រមាណ ២:២០នាទីរំលង់អាធ្រាត្រឈានចូលថ្ងៃទី៩ ខែតុលា ឆ្នាំ២០២២នេះ មានករណីគ្រោះថ្នាក់ចរាចរណ៍មួយបានកើតឡើងនៅចំនុចបណ្ដោយផ្លូវ៥១ កែងផ្លូវ១៧៤ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ។
បើតាមប្រភពពីកន្លែងកើតហេតុបានអោយដឹងថានៅម៉ោងកើតហេតុខាងលើមាននារីម្នាក់បើករថយន្តម៉ាក KIA Morning ពាក់ស្លាកលេខភ្នំពេញ ២BQ-៧៥១៤ រ៉េចង្កូតទៅបុកនឹងរថយន្តស៊េរីទំនើបដែលចតស្ងៀម បណ្តាលអោយរងការខូចខាតផ្នែកខាងក្រោយយ៉ាងដំណំ។ រថយន្តខាងលើមានម៉ាក PORSCHE ពាក់ស្លាកលេខព្រះសីហនុ ២A- ៥១៦១៕
