បន្ទាយមានជ័យ ៖ បុរសវ័យចំណាស់ម្នាក់ដេកស្លាប់ក្នុងផ្ទះដោយគ្មានរណាដឹង ។ ហេតុការណ៍បង្កឲ្យមានការភ្ញាក់ផ្អើលនៅវេលាម៉ោង០៨ព្រឹកថ្ងៃទី៣០ ខែកញ្ញា ឆ្នាំ២០២២ នៅភូមិកសិណ ឃុំថ្មពួក ស្រុកថ្មពួក ខេត្តបន្ទាយមានជ័យ ។
នគរបាលស្រុកថ្មពួកបានឲ្យដឹងថា សពឈ្មោះ នូ ខាន់ អតីតយុទ្ធជន(ហៅសៅ សាន) ភេទប្រុស មានប្រពន្ធ ឈ្មោះ ណែម សារវឿន អាយុ៥៧ឆ្នាំ គ្រួសារនេះរស់នៅភូមិ កសិណ ឃុំថ្មពួក ស្រុកថ្មពួក ខេត្តបន្ទាយមានជ័យ ។
តាមការឲ្យដឹងពីក្រុមគ្រួសារបានរៀបរាប់ថា នៅវេលាម៉ោងប្រមាណ០៦ល្ងាច ថ្ងៃទី២៩ ខែកញ្ញា ឆ្នាំ២០២២ ប្តីរបស់គាត់បានហូបបាយជុំគ្នានិងកូន ពេលហូបបាយរួចគាត់ក៏បានចូលដេកនៅលើគ្រែក្នុងផ្ទះមើលទូរសព្ទធម្មតាតែម្នាក់ឯង រហូតដល់ម៉ោង០៥ទាបភ្លឺ ។ លុះនៅវេលាម៉ោង០៨ព្រឹក ថ្ងៃទី៣០ ខែកញ្ញា ឆ្នាំ២០២២ គាត់បានឲ្យចៅទៅដាស់តាជូនចៅទៅសាលារៀន តែប្តីមិនឆ្លើយតប ពេលនោះទើបដឹងថាប្តីគាត់បានស្លាប់ ។
នគរបាលបានបញ្ជាក់ថា ផ្អែកតាមការបំភ្លឺប្រពន្ធរបស់ជនរងគ្រោះ បានបញ្ចាក់អះអាងថាប្តីរបស់ខ្លួនមានជំងឺប្រចាំកាយដូចជាក្រពេះ ពោះវៀន ហើយលេបថ្នាំជាប្រចាំ ដោយពុំមានប្រតិកម្មអ្វីឡើយ ។បើ តាមការសន្និដ្ឋានរបស់គ្រូពេទ្យការស្លាប់របស់ឈ្មោះ នូ ខាន់ អតីតយុទ្ធជន(ហៅសៅ សាន) គឺដោយសារជំងឺគាំងបេះដូង ៕
ប្រភព៖ អគ្គស្នងការដ្ឋាននគរបាលជាតិ
