បាត់ដំបង ៖ នៅថ្ងៃទី២៧ ខែកញ្ញា ឆ្នាំ២០២២ វេលាម៉ោង០៨និង១០នាទី ស្ថិតនៅចំណុចភូមិតាស៊ង ឃុំបាយដំរាំ ស្រុកបាណន់ មានករណីមនុស្សឆ្លងចរន្តអគ្គិសនីបណ្តាលឲ្យឆក់ស្លាប់បុរសម្នាក់ ។ ជនរងគ្រោះឈ្មោះ មុយ វ៉ាន់ទី ភេទប្រុស អាយុ៣៤ឆ្នាំ រស់នៅភូមិតាស៊ង ឃុំបាយដំរាំ ស្រុកបាណន់ ខេត្តបាត់ដំបង។
តាមការបញ្ជាក់ពីក្រុមគ្រួសារជនរងគ្រោះបានអោយដឹងថា ជនរងគ្រោះបានចូលក្នុងបន្ទប់ទឹកប៉ះចំខ្សែភ្លើងដាច់រហែកទាំងខ្លួនសើមទើបបណ្ដាលឱ្យឆក់ស្លាប់បាត់បង់ជីវិត។
ក្រោយពីទទួលដំណឹង កម្លាំងនគរបាលផ្នែកជំនាញសហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុលើបុរសឈ្មោះ មុយ វ៉ាន់ទី សមត្ថកិច្ចអាចបញ្ជាក់បានថាជនរងគ្រោះនេះពិតជាស្លាប់ដោយសារឆក់ខ្សែភ្លើងពិតប្រាកដមែន។ បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ប្រភព៖ អគ្គស្នងការដ្ឋាននគរបាលជាតិ
