បន្ទាយមានជ័យ ៖ បុរសវ័យចំណាស់ម្នាក់បានបាត់បង់ជីវិតនៅនឹងកន្លែងត បន្ទាប់ពីបើកម៉ូតូជ្រុលទៅបុកបង្គោលធ្វើអំពីស៊ីម៉ងត៍ដាក់តាំងរូបសត្វកុកនៅក្បែរចិញ្ចើមផ្លូវ ។ ករណីគ្រោះថ្នាក់ចរាចរណ៍បង្កដោយខ្លួនឯងនេះបានកើតឡើងនៅវេលាម៉ោង១៨និង១០នាទី ថ្ងៃទី២១ ខែកញ្ញា ឆ្នាំ២០២២ ត្រង់ចំណុចផ្លូវកែងភ្នំផ្គាំ ចម្ងាយប្រហែល ១,៥០០ម៉ែត្រ នៅខាងកើតភូមិផ្គាំ ឃុំផ្គាំ ស្រុកស្វាយចេក ខេត្តបន្ទាយមានជ័យ ។
នគរបាលស្រុស្វាយចេក បានឲ្យដឹងថា ជនរងគ្រោះឈ្មោះ ហឿង ហាំ ភេទប្រុស អាយុ៥៥ឆ្នាំ នៅភូមិថ្មីកណ្តាល ឃុំភូមិថ្មី ស្រុកថ្មពួក ខេត្តបន្ទាយមានជ័យ បើកបរ ម៉ូតូម៉ាក wave.ស៊េរីឆ្នាំ២០០១ ពណ៌ខ្មៅ (គ្មានស្លាកលេខ) ។
នគរបាលបានបញ្ជាក់ថា៖ នៅមុនពេលកើតហេយុជនរងគ្រោះបានបើកបរម៉ូតូតែម្នាក់ឯងទិសដៅចេញពីភូមិយាងទៅភូមិថ្មីដែលខ្លួនរស់នៅ ។ ពេលដល់ចំណុចកើតហេតុក៏ជ្រុលចង្កូតទៅបុកបង្គោលស៊ីម៉ងត៍ដែលគេដាក់តាំងរូបសត្វកុកក្បែរផ្លូវ បណ្តាលឲ្យដួលម៉ូតូបោកជនរងគ្រោះស្លាប់នៅនឹងកន្លែងកើតហេតុតែម្តង ។
នគរបាលក៏បានបញ្ជាក់ថា មូលហេតុអ្នកបើកបរម៉ូតូស្រវ៉ឹងបើកបរលឿន ។ សពជនរងគ្រោះនិងសម្ភារ:ម៉ូតូត្រូវបានគល់ជូនក្រុមគ្រួសារយកទៅធ្វើបុណ្យតាមប្រពៃណី ៕
ប្រភព៖ អគ្គស្នងការដ្ឋាននគរបាលជាតិ
