កណ្ដាល៖ ក្មេ.ងទំនើងមានគ្នា៤នាក់ ជិះម៉ូតូ២គ្រឿង បង្ហោះពេញផ្លូវយ៉ាងអណាធិបតេយ្យ ត្រូវបានសមត្ថកិច្ច ស្រុកលើកដែកឃាត់ខ្លួនបញ្ជូនមកអធិការដ្ឋាន ដើម្បីធ្វើការអប់រំណែនាំបញ្ឈប់សកម្មភាពនេះតទៅទៀត។ ករណីនេះធ្វើឡើងនៅវេលាម៉ោង១៥និង៤០នាទី ថ្ងៃទី៩ ខែសីហា ឆ្នាំ២០២២។
សមត្ថកិច្ចដកហូតវត្ថុតាងរួមមាន៖ ម៉ូតូ០២គ្រឿង ១-ម៉ូតូម៉ាក Dream សង់ សេរី ឆ្នាំ ២០២២ ពណ៌ ខ្មៅ(ពាក់ស្លាកលេខកណ្តាល 1AK-6358, ២- ម៉ូតូម៉ាកស្គុបពី ពណ៌ស(ពាក់ស្លាក លេខភ្នំពេញ 1FY-7056 )
ប្រភពដដែលបន្តថា នៅវេលាថ្ងៃខែកើតហេតុ មានប្រជាពលរដ្ឋល្អបាន រាយការណ៍មកថាមានក្មេ.ងៗ មួយក្រុមកំពុងបង្ហោះម៉ូតូតាមផ្លូវជាតិលេខ១៤ភ្លាមៗនោះកម្លាំងប៉ុស្តិ៍ពាមរាំងក៏បានចេញ អន្តរាគមន៍ឃើញក្មេ.ងទំនើងពីរម៉ូតូកំពុងបង្ហោះម៉ូតូហើយបើកបរយ៉ាងលឿនចូលទៅក្នុង វិទ្យាល័យប៊ុនរ៉ានីហ៊ុនសែនពាមរាំងរួចកម្លាំងយើងក៏បានឃាត់សួរនាំរួចនាំខ្លួនជនសង្ស័យចំនួន ០៤នាក់ រួមទាំងម៉ូតូ០២គ្រឿង យកមកកាន់ប៉ុស្តិ៍រដ្ឋបាលពាមរាំងសួរនាំ ជនសង្ស័យក៏បានឆ្លើយសារភាពថា ខ្លួនពិតជាបានបង្ហោះម៉ូតូ ពិតប្រាកដមែន រួចក៏បានរាយការណ៍មកផ្នែកជំនាញ និងបានបញ្ជូនមកកាន់អធិការដ្ឋាននគរបាលស្រុកលើកដែកដើម្បីបន្តនីតិវិធីអប់រំណែនាំ ៕
ប្រភព៖ អគ្គស្នងការដ្ឋាននគរបាលជាតិ
