មណ្ឌលគិរី ៖ រថយន្តវេអងដឹកហ្គាស បើកបរក្នុងល្បឿនលឿនលើផ្លូវកោង ជ្រុលទៅបុកតូបលក់ដូរ បណ្តាលអោយក្រឡាប់ រួចអ្នកបើករថយន្តនោះរត់គេចខ្លួនបាត់ស្រមោល ហេតុការណ៍គ្រោះថ្នាក់ចរាចណ៍នេះកើតកាលពីវេលាម៉ោង ២២ និង១៥នាទី ថ្ងៃទី០៧ ខែសីហា ឆ្នាំ២០២២ នៅផ្លូវជាតិ៧៦ នៅចំណុចផ្ទះតាលី ស្ថិតភូមិចំបក់ សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ។
មន្ត្រីនគរបាលក្រុងសែនមនោរម្យ បានឲ្យដឹងថា ៖ រថយន្តម៉ាកវេអង ផ្លាកលេខ ៣E ភ្នំពេញ ៤១៩១ ។ អ្នកបើកបរមិនស្គាល់អត្តសញ្ញាណ ។
ចំណែកឯ ជនរងគ្រោះរួមមាន ៖ ១/ ម្ចាសតូបឈ្មោះតឹក ម៉េងអឹង ភេទប្រុស អាយុ៣៥ឆ្នាំ ជនជាតិខ្មែរ មុខរបរលក់ដូរ រងបួសស្រាល និងទី២ ប្រពន្ធឈ្មោះ សម្បត្តិ ស្រីតូច ភេទស្រី អាយុ៣១ឆ្នាំ ជនជាតិខ្មែរ មុខរបរលក់ដូរ រងរបួសស្រាល ។
៣/ ម្ចាស់តូបឈ្មោះខាំ សុភាព ភេទស្រីអាយុ៣៤ឆ្នាំជនជាតិខ្មែរ លក់ដូរ រងរនួសស្រាល។
៤/ ប្អូនរស់នៅជាមួយឈ្មោះខាំ សុភ័ណ្ឌ ភេទស្រីអាយុ២៧ឆ្នាំជនជាតិខ្មែរ មុខរបរកសិករ រងរបួសស្រាល។
៥/ ប្អូនរស់នៅជាមួយឈ្មោះហ៊ុន មូលីកា ភេទស្រីអាយុ២០ឆ្នាំជនជាតិខ្មែរ មុខរបរកសិករ រងរបួសស្រាល រស់នៅភូមិសង្កាត់កើតហេតុខាងលើ។
បច្ចុប្បន្នជនរងគ្រោះសម្រាកនៅផ្ទះ ចំណែករថយន្តត្រូវបានសមត្ថកិច្ច យកមករក្សាទុកនៅអធិការដ្ខាននគរបាលក្រុងសែនមនោរម្យ រងចាំការដោះស្រាយតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
