ភ្នំពេញ៖ កាលពីម៉ោងប្រមាណ ២រំលងអាធាត្រឈានចូលថ្ងៃទី២២ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយដោយរថយន្តមួយគ្រឿងបានបើកបុករថយន្តប្រមូលសំរាមពីក្រោយ នៅចំណុចផ្លូវហាណូយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បើតាមប្រភពពីកន្លែងកើតហេតុបានអោយដឹងថារថយន្តបង្កម៉ាកបាឡែនពាក់ស្លាកលេខភ្នំពេញ ២AC-៩៣២៤ បានបើកបុករថយន្តប្រមូលសំរាមពីក្រោយ បណ្តាលអោយមានអ្នករបួសធ្ងន់ដល់ទៅ ៣នាក់។
ក្រោយកើតហេតុសមត្ថកិច្ចជំនាញបានចុះទៅធ្វើការវាស់វែង និងយករថយន្តទៅរក្សាទុក ដើម្បីរងចាំការដោះស្រាយនៅពេលក្រោយ៕
