ភ្នំពេញ៖ កាលពីម៉ោងប្រមាណ ១២:៤៥នាទីរំលងអាធ្រាត្រឈានចូលថ្ងៃទី១៩ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចផ្លូវ២៤០ កែងផ្លូវព្រះសុធារស សង្កាត់ចតុមុខព្រំប្រទល់ជាប់និងសង្កាត់ជ័យជំនះ ខណ្ឌដូនពេញ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថាមានរថយន្តព្រូសពាក់ស្លាកលេខភ្នំពេញ ២BD-៣១៩៧ ទៅបុកនឹងម៉ូតូមួយគ្រឿងទៀតម៉ាក Scoopy ពាកស្លាកលេខភ្នំពេញ ១JJ-៥៣៤៩ បណ្តាលអោយមនុស្ស ៣នាក់រងរបួសធ្ងន់ស្រាល ហើយក៏ត្រូវបានបញ្ជូនទៅមន្ទីរពេទ្យដើម្បីធ្វើការព្យាបាល៕
