ភ្នំពេញ៖ កាលពីវេលាម៉ោងប្រមាណ ៨:៤០នាទីយប់ថ្ងៃទី១៨ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅចំនុចផ្លូវបេតុងថ្មីវត្តភ្នាត ក្នុងសង្កាត់ពន្សាំង ខណ្ឌព្រែកព្នៅ រាជធានីភ្នំពេញ បណ្តាលអោយស្លាប់ម្នាក់ និងរបួសធ្ងន់ ៣នាក់។
បើយោងតាមប្រភពពីកន្លែងកើតហេតុបានអោយដឹងថារថយន្តបងកម៉ាក Hyudai Santafe ពាក់ស្លាកលេខភ្នំពេញ ២X-៣៤៤៥ បើកបរដោយបុរសម្នាក់ បានបុករះម៉ូតូ ២គ្រឿងដែលមាន Scoopy ពាក់ស្លាកលេខតាកែវ ១Y-០១៧៩ និង Honda Dream ពាក់ស្លាកលេខកណ្តាល ១AO-៤៨៤៧។
ក្រោយកើតហេតុសមត្ថកិច្ចបានចុះមកធ្វើការវាស់វែង នឹងយកយាន្តយន្តទៅរក្សាទុក ដើម្បីធ្វើការដោះស្រាយ ដោយឡែកសាកសពជនរងគ្រោះត្រូវបានប្រគល់ជូនគ្រួសារសពយកទៅធ្វើបុណ្យតាមប្រពៃណី៕
