ព្រះសីហនុ៖ មន្ត្រីជំនាញផ្លូវថ្នល់ឲ្យដឹងថា ផ្លូវល្បឿនលឿនភ្នំពេញ-ក្រុងព្រះសីហនុ ដែលគ្រោងបើកដំណើរការសាកល្បងនៅក្នុងខែកក្កដាឆ្នាំ២០២២នេះ បានពន្យាពេលបន្តមិនទាន់អនុញ្ញាតឲ្យធ្វើចរាចរណ៏បាននៅឡើយ
ដោយសារតែធាតុអាកាសមិនអំណោយផល ភ្លៀងធ្លាក់ច្រើន រំខាងដល់ការងារស្ថាបនាប្រចាំថ្ងៃ ធ្វើឲ្យគម្រោងសាងសង់ទាំងស្រុងមិនទាន់បានបំពេញលក្ខណៈបច្ចេកទេសគ្រប់គ្រាន់ស្របតាមផែនការមេ ក្នុងនោះបើតាមមន្ត្រីលើកឡើងថា ផ្លូវល្បឿនលឿនភ្នំពេញ-ព្រះសីហនុអាចនឹងបើកដំណើរការនៅខែវិឆ្ឆិកាឆ្នាំ២០២២ខាងមុខ ក្រោយបញ្ចប់គម្រោងសាងសង់។ ជាមួយគ្នានេះ រាល់ចរាចរណ៏ឆ្លងកាត់ទាំងអស់ មន្ត្រីបញ្ជាក់ថា ក្រៅតែពីយានយន្តរបស់មន្ត្រីជំនាញឬផ្នែកបច្ចេកទេសសាងសង់បើកបរបំពេញភារកិច្ច យានយន្តផ្សេងទៀតត្រូវបានឃាត់ជាដាច់ខាត រហូតដល់មានសេចក្តីប្រកាសពីក្រសួងសាធារណការនិងដឹងជញ្ជូនបើកឲ្យធ្វើចរាចរណ៏ជាផ្លូវការ៕
ប្រភព៖ Huy Bunleng News
