បាត់ដំបង ៖ ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ នៅថ្ងៃទី១៥ ខែកក្កដា ឆ្នាំ២០២២ វេលាម៉ោង១៦និង០០នាទី លោកវរសេនីយ៍ឯក ស៊ុន សុវណ្ណ អធិការនគរបាលស្រុកសង្កែ បានដឹកនាំកម្លាំងក្នុងអង្គភាព ចុះប្រតិបត្តិការបង្ក្រាបករណីលួចមានស្ថានទម្ងន់ទោស(កាច់សោរលួចយកម៉ូតូ) ០១ករណី នៅចំណុចភូមិបាសែត ឃុំតាប៉ុន ស្រុកសង្កែ ។
ប្រតិបត្តិការខាងលើ សមត្ថកិច្ចបានធ្វើការឃាត់ខ្លួនជនសង្ស័យចំនួន០២នាក់ ១.ឈ្មោះ សំ ម៉ារី ហៅ តាក់ ភេទប្រុស អាយុ២៧ឆ្នាំ រស់នៅភូមិបាសែត ឃុំតាប៉ុន ស្រុកសង្កែ និង២.ឈ្មោះ ពៅ រ៉ហ៊ីម ភេទប្រុស អាយុ៣៧ឆ្នាំ រស់នៅភូមិបាសែត ឃុំតាប៉ុន ស្រុកសង្កែ ។
លោកអធិការនគរបាលស្រុកសង្កែ បានរាយការណ៍អោយដឹងថា ការចាប់ឃាត់ខ្លួនជនសង្ស័យទាំងពីរនាក់ខាងលើ គឺកាលពីថ្ងៃទី១២ ខែកក្កដា ឆ្នាំ២០២២ វេលាម៉ោង០៣និង៣០នាទី ជនសង្ស័យទាំងពីរនាក់នេះបានធ្វើសកម្មភាពលួចកាច់សោម៉ូតូ ០១គ្រឿង នៅចំណុចភូមិសម្តេច ឃុំតាប៉ុន ស្រុកសង្កែ ។
ករណីនេះ នគរបាលស្រុកសង្កែបានរៀបចំសំណុំរឿងបញ្ជូនជនសង្ស័យនិងវត្ថុតាងមកកាន់ការិយាល័យជំនាញខេត្ត ដើម្បីអនុវត្តបន្តតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
