កំពង់ស្ពឺ៖ កាលពីម៉ោង ២៤:០០នាទីរំលង់អាធ្រាត្រចូលថៃ្ងទី១៦ កក្កដា ២០២២ មានករណីគ្រោះថ្នាក់ចរាចរណ៍មួយបានកើតឡើងលើផ្លូវជាតិលេខ៤ ចន្លោះគីឡូម៉ែត្រលេខ ១០៣-១០៤ ត្រង់ចំណុចភូមិទី ៦ ឃុំយាយម៉ៅពេជ្រនិល ស្រុកភ្នំស្រួច ខេត្តកំពង់ស្ពឺ បង្កឡើងដោយរថយន្តកុងទឺន័រមួយគ្រឿង។ ក្នុងនោះអ្នកបើកបរ មិនស្គាល់អត្តសញ្ញាណ(ចុះរត់គេច) រថយន្តបើកបរក្នុងទិសដៅពីកើតទៅលិចមកដល់ចំណុចខាងលើ ជួបឧបសគ្គរេចង្កូតបុកដើមឈើធ្លាក់ផ្លូវក្រឡាប់ទៅផ្នែកខាងស្តាំដៃនៃផ្លូវជាតិ។
ក្នុងហេតុការនេះបណ្ដាលឱ្យខូចខាតរនាំងការពារផ្លូវខូចខាតប្រវែងប្រហែល ៥០ម៉ែត្រ, បាក់ដើមឈើ ៤ ដើម និងរថយន្តរខូចខាតធ្ងន់។ ករណីនេះសមត្ថកិច្ចកំពុងអន្ដរាគមន៍ ជួយរកមធ្យោបាយរថយន្ដស្ទួច និងបន្ដស្រាវជ្រាវរកម្ចាស់ក្រុមហ៊ុន ដើម្បីយកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីបន្តនីតិវិធី៕
