ក្រចេះ៖ ហេតុការណ៍កាប់ប្អូនថ្លៃមួយបានកើតឡើងនៅម៉ោង៨:២០ ថ្ងៃទី១១ ខែកក្កដា ឆ្នាំ២០២២ នៅចំណុចភូមិកោះដំបង ឃុំបឹងចារ ស្រុកសំបូរ ខេត្តក្រចេះ។
បើយោងតាមការបញ្ជាក់របស់សមត្ថកិច្ចបានអោយដឹងថាជនរងគ្រោះមានឈ្មោះ ទី ស្រីម៉ៅ អាយុ២៧ឆ្នាំ ហើយជនដៃដល់ឈ្មោះ ថា លីនណាន អាយុ៣៤ឆ្នាំ ។
គួរបញ្ជាក់ថានៅម៉ោងកើតហេតុខាងលើខណៈជនរងគ្រោះកំពុងអង្គុយនិយាយលេងជាមួយនឹងបងស្រីឈ្មោះ ថា លីនេត ស្រាប់តែជនសង្ស័យបានកាន់ពូថៅ ដើរមកពីមាត់ទន្លេ និងធ្វើសកម្មភាពកាប់ទៅជនរងគ្រោះចំកញ្ចឹងករ បណ្តាលអោយរបួសធ្ងន់ និងស្លាប់ពេលបញ្ជូនទៅមន្ទីរពេទ្យ។ ខណៈជនសង្ស័យបានព្យាយាមហែលទឹកឆ្លងទន្លេ ដើម្បីគេចខ្លួន ប៉ុន្តែគេចមិនផុតពីសមត្ថកិច្ច៕
