កំពង់ស្ពឺ៖ គ្រោះថ្នាក់ចរាចរណ៍នៅលេីផ្លូវល្បឿនលឿន រាជធានី ភ្នំពេញ-ខេត្តព្រះសីហនុ ស្ថិតនៅចន្លោះគីឡូម៉ែត្រលេខ ៦៦-៦៧ ត្រង់ចំណុ ចភូមិកុមារពេទ្យ ឃុំអូរ ស្រុកភ្នំស្រួច ខេត្តកំពង់ស្ពឹ បង្កឡេីងរវាងរថយន្ត ALPHARD បុករថយន្ដ ALPHARD។
ប្រភពពីកន្លែងកើតហេតុបានអោយដឹងថារថយន្ត ALPHARD ពណ៌ខ្មៅ ពាក់ស្លាកលេខភ្នំពេញ2BQ-7666 អ្នកបើកបរមិនស្គាល់អត្តសញ្ញាណ មានអ្នករួមដំណើរ01នាក់ស្រី មិនទាន់ស្គាល់អត្តសញ្ញាណ បើកបរពីទិសខាងលិចទៅទិសខាងកើតនៅចំណែកផ្លូវខាងស្ដាំដៃ លុះមកដល់ចំណុចកេីតហេតុបានបើកប្តូរទិសដៅពីផ្លូវបិទខាងឆ្វេងចូលមកផ្លូវបើកខាងស្តាំ រួចបានបុករថយន្ត01គ្រឿងទៀត ម៉ាកALPHARD ពណ៌ស ពាក់ស្លាកលេខព្រះសីហនុ2D-9666 អ្នកបើកបរមិនស្គាល់អត្តសញ្ញាណ។ រថយន្តទំនើបទាំង២គ្រឿង បើកបរបញ្ច្រាសទិសគ្នា បណ្តាលឲ្យគ្រោះថ្នាក់អ្នកបេីកបរនិងអ្នករួមដំណេីរ សមត្ថកិច្ចនគរបាលចរាចរណ៍កំពុងជួយសង្គ្រោះនិងបញ្ជូនទៅមន្ទីរពេទ្យបង្អែកត្រពាំងក្រឡឹងនិងមន្ទីរពេទ្យខេត្ដបន្ដ។
តាមការផ្ដល់ព័ត៌មានបន្ថែមពីលោកវរសេនីយ៍ទោពៅ នឿន អធិការរ ទទួលសណ្ដាប់ធ្នាប់ នៃអធិការដ្ឋាននគរបាលស្រុកភ្នំស្រួច បានអោយដឹងថាក្នុងហេតុការណ៍គ្រោះថ្នាក់ចរាចរណ៍ខាងលេី អ្នករួមដំណើរ ជាជនបរទេស ប៉ុន្តែមិនស្គាល់ឈ្មោះ និងសញ្ជាតិ នៅឡេីយ រីឯវត្ថុតាងរថយន្តទាំង០២គ្រឿង នគរបាលកំពុងស្ទូចយកទៅមករក្សាទុកនៅអធិការដ្ឋាននគរបាលស្រុកភ្នំស្រួចបណ្ដោះអាសន្ន៕
ប្រភព៖ ស្នងការដ្ឋាននគរបាលខេត្តកំពង់ស្ពឺ
