ភ្នំពេញ៖ កាលពីម៉ោងប្រមាណ ១រំលងអាធ្រាត្រឈានចូលថ្ងៃទី៧ ខែកក្កដា ឆ្នាំ២០២២ មានករណីគ្រោះថ្នាក់ចរាចរណ៍មួយបានកើតឡើងនៅខាងមុខក្លឹបកម្សាន្ត Epic ស្ថិតនៅក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយរថយន្ត ២គ្រឿងបានបុកគ្នាយ៉ាងពេញទំហឹង ហើយបន្តខ្ទាតទៅបុកនឹងកង់បី។
បើយោងតាមប្រភពពីកន្លែងកើតហេតុបានអោយដឹងថារថយន្ត២គ្រឿងនោះរួមមានម៉ាក BMW ពាក់ស្លាកលេខភ្នំពេញ ២AD-០០០១ ដែលបើកដោយជនជាតិចិន និងមួយគ្រឿងទៀតម៉ាក Lexus 400h ពាកស្លាកលេខ ភ្នំពេញ ២AJ-៣០០៣ ដែលបើកបរដោយគ្រូអគ្គិនេត្រ កំពុងដឹកប្តីចេញពីខួបកំណើតទៅផ្ទះវិញ។
ក្រោយកើតហេតុខាងភាគីជនជាតិចិនបានទារសំណងជាង ១ម៉ឺនដុល្លារ ដោយសារដោះស្រាយគ្នាមិនត្រូវ ទើបប្រគល់អោយសមត្ថកិច្ចធ្វើការវាស់វែង និងយករថយន្តទៅរក្សាទុក រងចាំការដោះស្រាយ៕
