កំពង់ឆ្នាំង៖ នៅថ្ងៃពុធ ទី២២ ខែមិថុនា ឆ្នាំ២០២២ កម្លាំងប៉ុស្តិ៍នគរបាលរដ្ឋបាលប្រឡាយមាស សហការជាមួយ កម្លាំងប្រជាការពារប្រើប្រាស់មធ្យោបាយបាឡាស្មាច់ចំនួនមួយគ្រឿង ដឹកនាំដោយលោកអនុសេនីយ៍ឯក ជូ វណ្ណារី នាយប៉ុស្តិ៍នគរបាលរដ្ឋបាលប្រឡាយមាស បានចុះល្បាតតាមដងទន្លេដល់ចំណុចព្រែកសាច់ស្ពៃស្ថិតក្នុងភូមិសាស្ដ្រភូមិអន្លង់កញ្ចុះ ឃុំប្រឡាយមាស ស្រុកកំពង់លែង ខេត្តកំពង់ឆ្នាំង បានបង្ក្រាប បទល្មើសនេសាទមួយករណី(ឆក់ក្តៅ)។
ជាលទ្ធផលបង្ក្រាបនិងឃាត់ខ្លួនជនសង្ស័យចំនួន០៣នាក់ គេចខ្លួនរួចម្នាក់÷
១-ឈ្មោះម៉ៅ ប៉ែន ភេទប្រុស អាយុ៣៥ឆ្នាំ សញ្ជាតិខ្មែរ។
២-ឈ្មោះ ថន វណ្ណៈ ភេទប្រុស អាយុ១៩ឆ្នាំ សញ្ជាតិខ្មែរ។
៣-ឈ្មោះ គុណ សុភា ភេទប្រុស អាយុ១៤ឆ្នាំ សញ្ជាតិ ខ្មែរ ។
ក្នុងពេលចុះបង្ក្រាបជនសង្ស័យម្នាក់ បានលោតទឹក រត់គេចខ្លួនបាត់ ឈ្មោះ ហ៊ូ ប៉ុបពី ភេទ ប្រុស អាយុ១៧ឆ្នាំ ជនជាតិ ខ្មែរ ។ សមត្ថកិច្ចនគរបាលដកហូតសំភារៈវត្ថុតាងរួមមាន៖ ១.បាឡាស្មាច់ចំនួន០២គ្រឿង ២.ក្បាលអាំងស៊ីវិច ទ័រ(ប្រភេទក្តៅ)ចំនួន០២គ្រឿង ៣. អាគុយចំនួន០២គ្រឿង ។
ចប្ចុប្បន្ន ជនសង្ស័យបានឃាត់ខ្លួន និងវត្ថុតាងខាងលើ ត្រូវបានបញ្ជូនទៅជំនាញជលផលដើម្បីបន្តនីតិវិធី៕
ប្រភព៖ អគ្គស្នងការដ្ឋាននគរបាលជាតិ
