បាត់ដំបង ៖ នៅថ្ងៃទី២៥ ខែឧសភា ឆ្នាំ២០២២ វេលាម៉ោង០៧និង៣០នាទីព្រឹក ត្រង់ចំណុចជើងភ្នំទាក់ព្រាត់ ភូមិគោករកា ឃុំដូនបា ស្រុកគាស់ក្រឡ មានករណីធ្វើអត្តឃាតដោយចងកសម្លាប់ខ្លួនស្លាប់០១នាក់ ។
ជនរងគ្រោះឈ្មោះ ម៉ុន សាមី ភេទប្រុស អាយុ១៧ឆ្នាំ រស់នៅភូមិ-ឃុំកើតហេតុខាងលើ ។ តាមការបញ្ជាក់ពីក្រុមគ្រួសារ និងអ្នកជិតខាងបានឲ្យដឹងថា ក្មេងប្រុសរងគ្រោះខាងលើសម្រេចចិត្តចង.កបញ្ចប់ជីវិតរបស់ខ្លួននេះ ដោយសារចាយលុយលក់ដំឡូងអស់ខ្លាចឪពុកម្តាយស្តីបន្ទោស ។
ក្រោយពីទទួលបានព័ត៌មាន កម្លាំងនគរបាលផ្នែកជំនាញសហការជាមួយលោកគ្រូពេទ្យជំនាញ បានចុះត្រួតពិនិត្យនិងវិភាគទីកន្លែងកើតហេតុលើសពក្មេងប្រុសរងគ្រោះឈ្មោះ ម៉ុន សាមី ពិតជាធ្វើអត្តឃាតសម្លាប់ខ្លួនស្លាប់ពិតប្រាកដមែន ។ បច្ចុប្បន្ន សាកសពជនរងគ្រោះត្រូវបានប្រគល់ជូនទៅឲ្យក្រុមគ្រួសារ ដើម្បីយកទៅធ្វើបុណ្យតាមប្រពៃណី ៕
ប្រភព៖ អគ្គស្នងការដ្ឋាននគរបាលជាតិ
