កោះកុង៖ នៅថ្ងៃអង្គារ៍ ទី០៣ ខែឧសភា ឆ្នាំ២០២២ វេលាម៉ោង ១៤.៣០ នាទី កម្លាំងអធិការដ្ឋានចំនួន០៤ នាក់ និងកម្លាំងប៉ុស្តិ៍ដងពែងចំនួន០២នាក់ដឹកនាំដោយ លោក វរសេនីយ៍ត្រី ស៊ិន វណ្ឌីន អធិការង បានចុះជាមួយក្រុមការងារគណៈបញ្ជាការឯកភាពរដ្ឋបាលស្រុកស្រែអំបិល ដឹកនាំដោយលោក ហុង ប្រុស អភិបាលរងស្រុក មានការចូលរួម÷
១ នាយករដ្ឋបាល
២ បរិស្ថាន
៣ រដ្ឋបាលព្រៃឈើ
៤ កម្លាំងកងរាជអាវុធហត្ថស្រុក ចំនួន២នាក់ ។
បានចុះធ្វើការឃាត់គ្រឿងចក្រ (អាអិច) ដែលឈួសឆាយព្រៃដីរដ្ឋខុសច្បាប់នៅចំណុច កំពង់ខ្លឹម ក្នុងភូមិ បាក់អង្រុតឃុំ ដងពែង ក្នុងនោះក្រុមការងារចម្រុះឃាត់បាន អាអិច ចំនួន១គ្រឿង និងមនុស្សចំនួន១នាក់ប្រុសឈ្មោះ លី សូហ៊ ភេទ ប្រុស អាយុ ៣០ឆ្នាំ មានទីលំនៅភូមិ ព្រះអង្គកែវ ឃុំដងពែង ស្រុកស្រែអំបិល ខេត្តកោះកុង ជាម្ចាស់គ្រឿងចក្រ។ បច្ចុប្បន្ន វត្ថុតាងនិងមនុស្សបានយកទៅអធិការដ្ឋានស្រុក ដើម្បីកសាងសំណុំរឿងតាមនីតិវិធី៕
ប្រភព៖ អគ្គស្នងការដ្ឋាននគរបាលជាតិ
