ភ្នំពេញ៖ នៅព្រលឹមថ្ងៃទី៤ ខែមេសា ឆ្នាំ២០២២នេះ មានករណីបាញ់ប្រហារមួយបានកើតឡើងនៅចំនុចក្បែរអតីតខារ៉ាអូខេ អ៊ិចធូ តាមបណ្ដោយផ្លូវលេខ៥៥ កែងផ្លូវលេខ២២២ ក្នុងមូលដ្ឋានសង្កាត់បឹងរាំង ខណ្ឌដូនពេញ រាជធានីភ្នំពេញ បណ្តាលអោយបុរសជនជាតិចិនម្នាក់បានរងរបួសធ្ងន់ ក្រោយត្រូវខ្មាន់កាំភ្លើងបាញ់អស់ជាង ១០គ្រាប់។
បើយោងតាមប្រភពពីកន្លែងកើតហេតុបានអោយដឹងថាជនរងគ្រោះបានដើរចុះពីអគារនៅជិតនោះ ហើយក៏មានជម្លោះប្រតាយប្រតបគ្នារហូតឈានដល់មានការផ្ទុះអាវុធ។ ក្រោយកើតហេតុជនសង្ស័យបានរត់គេចខ្លួនពីកន្លែងកើតហេតុបាត់ស្រមោល។ ខណៈសមត្ថកិច្ចកំពុងធ្វើការស្រាវជ្រាវស្វែងរកជនដៃដល់មកធ្វើការដាក់ទោសតាមនីតិវិធីច្បាប់៕
