កណ្តាល៖ ហេតុការណ៍ភ្ញាក់ផ្អើលមួយបានកើតឡើងនៅល្ងាចថ្ងៃទី១ ខែមេសា ឆ្នាំ២០២២ នៅចំនុចភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ក្រោយបុរសម្នាក់ត្រូវបានស្លាប់ដោយសារឆក់ខ្សែភ្លើង។
ជនរងគ្រោះមានឈ្មោះ យឺ តារា អាយុ៣២ឆ្នាំ ជាលោកគ្រូពេទ្យ នៃមន្ទីរពេទ្យព្រះកេតុមាលា មានឋានន្តរសក្ត័ អនុសេនីយ៏ត្រី ដែលត្រៀមនឹងចូលរោងការនៅថ្ងៃទី១០ ខែមេសា ខាងមុននេះហើយ។
គួរបញ្ជាក់ថានៅថ្ងៃកើតហេតុខាងលើជនរងគ្រោះបានដាក់ជណ្តើរដើម្បីឡើងបាញ់វីសដំបូលផ្ទះ ប៉ុន្តែជាអកុសលជណ្តើរបានដាក់ចំទៅលើខ្សែភ្លើងដែលដាច់បណ្តាលអោយឆក់ស្លាប់ភ្លាមៗតែម្តង៕
