ភ្នំពេញ៖ កាលពីម៉ោងប្រមាណ ៦ព្រឹកថ្ងៃទី២៤ ខែមីនា ឆ្នាំ២០២២ មានករណីផ្ទុះអាវុធជាច្រើនគ្រាប់មួយបានកើតឡើងនៅចំនុចបណ្តោយផ្លូវ៥០ម៉ែត្រ ក្នុងសង្កាត់ព្រៃស ខណ្ឌដង្កោ រាជធានីភ្នំពេញ ។
បើតាមប្រភពពីកន្លែងកើតហេតុបានអោយដឹងថា នៅម៉ោងកើតហេតុខាងលើជនរងគ្រោះដែលជាមន្ត្រីយោធាបានជិះម៉ូតូពាក់ស្លាកលេខ ភ្នំពេញ 1JC-4840 ទៅអង្គភាពដើម្បីបំពេញការងារ។ ស្របពេលនោះក៏មានជនសង្ស័យ ៦-៧នាក់ បានជិះម៉ូតូមកធ្វើសកម្មភាពធាក់ផ្តួលម៉ូតូជនរងគ្រោះ បណ្តាលអោយអោយដួល។ ស្រាប់តែពេលនោះ ជនសង្ស័យម្នាក់បានស្ទុះឡើងជិះម៉ូតូជនរងគ្រោះតែម្តងបំណងចង់រត់គេចខ្លួន ប៉ុន្តែត្រូវជនរងគ្រោះទាយកម្មភ្លើងពីចង្កេះបាញ់ចំនួន ៩គ្រាប់ បណ្តាលអោយជនសង្ស័យម្នាក់ដេកស្លាប់នៅលើម៉ូតូ។ ដោយឡែកជនសង្ស័យផ្សេងទៀតបាននាំគ្នាជិះគេចខ្លួនបាត់ស្រមោល។ ក្រោយកើតហេតុសមត្ថកិច្ចបានអញ្ចើញខ្លួនជនរងគ្រោះដើម្បីទៅធ្វើការសាកសួរ នៅអធិការដ្ឋាននគរបាលខណ្ឌ អំពីដំណើររឿងហេតុដែលបានកើតឡើង៕
