ភ្នំពេញ៖ នេះបើយោងតាមការបញ្ជាក់របស់លោក ផែង វណ្ណៈ នៅរសៀលថ្ងៃទី២០ ខែមីនា ឆ្នាំ២០២២នេះ បានអោយដឹងថា សមត្ថកិច្ចអធិការដ្ឋាននគរបាល ខណ្ឌចំការមន បានចុះដកហូតរថយន្ត Tundra ដែលបេីកបរបំពានច្បាប់ចរាចរណ៍បង្ករការភ្ញាក់ផ្អេីលមករក្សាទុកនៅអធិការដ្ឋាន ដេីម្បីរង់ចាំម្ចាស់ចូលខ្លួនមកដោះស្រាយ ។
គួរបញ្ជាក់ថាការពីម៉ោងប្រមាណ ៩:៣០នាទីយប់ថ្ងៃទី១៩ ខែមីនា ឆ្នាំ២០២២កន្លងមកនេះ ក្រោយបុរសម្នាក់បើករថយន្តម៉ាក Tundra ពាក់ស្លាកលេខភ្នំពេញ 2BO-8073 ទាំងបញ្ច្រាស់ទិស ហើយបានមកឈប់ចោលកណ្តាលផ្លូវ ដើរចូលផ្ទះធ្វើព្រងើយ។ សកម្មភាពនេះបានធ្វើអោយមានការកកស្ទះចរាចរណ៍យ៉ាងខ្លាំងនៅចំណុចបណ្ដោយផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន រាជធានីភ្នំពេញ៕
