កណ្ដាល ៖ នគរបាលស្រុកខ្សាច់កណ្ដាលចាប់ខ្លួនជនជាប់ចោទម្នាក់តាមដីការបស់សាលាដំបូងខេត្តកណ្ដាល ពីបទរំលោភសេពសន្ថវៈ ។ ប្រតិបត្តិការចាប់ខ្លួននេះធ្វើឡើងនៅថ្ងៃទី២៤ ខែកុម្ភៈ ឆ្នាំ២០២២ វេលាម៉ោង១៦និង០០នាទី ចំណុចភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ។
មន្ត្រីនគរបាលស្រុកខ្សាច់កណ្ដាលបានឲ្យដឹងថា ជនជាប់ចោទឈ្មោះ ព្រិល ម៉ូ ភេទប្រុស អាយុ២១ឆ្នាំ ជនជាតិខ្មែរ មុខរបរ កសិករ ទីលំនៅបច្ចុប្បន្ន ភូមិ ព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ។ ជននេះមានដីកាបង្គាប់ឲ្យចាប់ខ្លួន លេខ៖១៦៨ ចុះថ្ងៃទី១៣ ខែមីនា ឆ្នាំ២០១៨ របស់លោក ផូង វណ្ណ ចៅក្រមស៊ើបសួរ នៃសាលាដំបូងខេត្តកណ្តាល ចោទប្រកាន់ពីបទ រំលោភសេពសន្ថវៈ.ប្រព្រឹត្តនៅភូមិព្រែកតាកូវ ឃុំព្រែកតាកូវ ស្រុកខ្សាច់កណ្ដាល ខេត្តកណ្តាល កាលពីថ្ងៃទី២៧ ខែតុលា ឆ្នាំ២០១៧ ។
ករណីនេះ សមត្ថកិច្ចនគរបាលជំនាញកសាងសំណុំរឿងបញ្ជូនមកសាលាដំបូងខេត្តកណ្ដាលដើម្បីចាត់ការតាមនីតិវិធី ៕
ប្រភព៖ អគ្គស្នងការដ្ឋាននគរបាលជាតិ
