ភ្នំពេញ៖ កាលពីវេលាម៉ោង ជាង២យប់ រំលងអាធ្រាត្រឈានចូលថ្ងៃទី២៤ ខែកុម្ភៈ ឆ្នាំ២០២២ មានករណីគ្រោះថ្នាក់ចរាចរណ៍មួយកើតឡើងនៅបណ្ដោយផ្លូវជាតិលេខ6A ក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថា រថយន្តបង្កពាកស្លាកលេខភ្នំពេញ 2Y-1403 បើកបរដោយបុរសម្នាក់បានរ៉េចង្កូតបុករះបង្គោលភ្លើងនិងបុកចូលកន្លែងលក់កាហ្វេមួយកន្លែងបណ្ដាលឲ្យរងការខូចខាតខ្ទេចខ្ទី។ ក្រោយកើតហេតុសមត្ថកិច្ចជំនាញបានចុះមកធ្វើការវាស់វែង នឹងបានយករថយន្តទៅរក្សាទុករងចាំការដោះស្រាយនៅពេលក្រោយ៕
