បាត់ដំបង៖ ក្រោយពីទទួលពាក្យបណ្តឹង ពីអាណាព្យាបាលក្មេងស្រីរងគ្រោះ នៅថ្ងៃទី១៦ ខែកុម្ភៈ ឆ្នាំ២០២២ ដោយអនុវត្តតាមយោបល់ដឹកនាំរបស់លោកឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកស្រីឧត្តមសេនីយ៍ត្រី រស់ ជីវី ស្នងការរងទទួលការងារប្រឆាំងការជួញដូរនិងការពារអនីតិជន និងដោយមានការសម្របសម្រួលនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបង លោកវរសេនីយ៍ឯក ឆាយ ម៉ាប់ អធិការនគរបាលស្រុករុក្ខគីរី បានធ្វើការឃាត់ខ្លួនជនសង្ស័យខាងលើ និងកសាងសំណុំរឿងបញ្ជូនទៅសាលាដំបូងខេត្ត ដើម្បីផ្តន្ទាទោសតាមច្បាប់។
ដែលជនសង្ស័យនេះបានប្រព្រត្តិណ៍ កាលពីថ្ងៃទី១៣ ខែកុម្ភៈ ឆ្នាំ២០២២ វេលាម៉ោង២១និង២៥នាទី ត្រង់ចំណុចភូមិអូររំចេក ឃុំបាសាក់ ស្រុករុក្ខគិរី ខេត្តបាត់ដំបង មានករណីប្រទូសកេរ្តិ៍ខ្មាស់មួយកើតទ្បើងបង្ករដោយ ០១នាក់ឈ្មោះ ដៀង វីន ហៅ គុច ភេទប្រុស អាយុ៣០ឆ្នាំ រស់នៅភូមិឃុំខាងលើ បានធ្វើការសកម្មភាពលួងលោមកុមារីរងគ្រោះ ០១នាក់ឈ្មោះ ស ស គ ធ ភេទស្រី អាយុ១៣ឆ្នាំ នៅភូមិឃុំជាមួយគ្នា ថាឌុបម៉ូតូជូនទៅផ្ទះខណៈពេលកុមារីរងគ្រោះខាងលើកំពុងតែមើលគេរាំធុងបាស់នៅនឹងផ្ទះរបស់ជនសង្ស័យ តែជនសង្ស័យបែជាឌុបកុមារីរងគ្រោះទៅអោបថើបនៅក្នុងដីចំការដំឡូង ០១កន្លែង ដែលស្ថិតនៅចម្ងាយ ២០០ម៉ែត្រ ពីផ្ទះកុមារីរងគ្រោះ៕
ប្រភព៖ អគ្គស្នងការដ្ឋាននគរបាលជាតិ
