ភ្នំពេញ៖ កាលពីម៉ោងប្រមាណ ១១យប់ ថ្ងៃទី១៦ ខែកុម្ភៈ ឆ្នាំ២០២២នេះ មានករណីគ្រោះថ្នាក់ចរាចរណ៍មួយបានកើតឡើងនៅចំណុចមហាវិថីឈ្នះៗ ក្នុងសង្កាត់គោករកា ខណ្ឌព្រែកព្នៅ រាជធានីភ្នំពេញ ដោយរថយន្ត ២គ្រឿងបានបុកគ្នាយ៉ាងពេញទំហឹង។
ក្នុងនោះរថយន្តមួយគ្រឿងម៉ាក CR-V ពណ៌ខ្មៅ ពាកស្លាកលេខ ភ្នំពេញ 2L-1534 រងការខូចខាតផ្នែកខាងក្រោយ។ ដោយឡែករថយន្តមួយគ្រឿងទៀតម៉ាក Toyota Hilux Vigo ពាកស្លាកលេខ ភ្នំពេញ 2BK-3455 រងការខូចខាតផ្នែកខាងមុខយ៉ាងដំណំ។
ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញចុះមកធ្វេីការវាស់វែងនិងយករថយន្តទៅរក្សាទុករងចាំការដោះស្រាយនៅពេលក្រោយ៕
