ព្រះសីហនុ៖ រថយន្តធំមួយគ្រឿងជ្រុលចង្កូតបុកចូលផ្ទះពលរដ្ឋពេលកំពុងបើកបរតាមផ្លូវសម្តេចសង្ឃទេពវង្សចន្លោះគីឡូម៉ែត ២៤ -២៥(វាលរេញ- ស្ទឹងហាវ) ក្នុង ឃុំអូរត្រេះ ស្រុកស្ទឹងហាវ ខេត្តព្រះសីហនុ វេលាម៉ោងជិត៣រសៀលថ្ងៃទី១២ ខែកុម្ភៈ ឆ្នាំ២០២២ ។ សមត្ថកិច្ចមូលដ្ឋានឲ្យដឹងថា រថយន្តនេះម៉ាកហុីយ៉ាន់ដាយ ក្បាលរថយន្តពាក់ស្លាកលេខ ព្រៃវែង ៣A ១៨៧២ និងរុឺម៉កសណ្តោងស្លាកលេខ កំពង់ស្ពឺ៤A ០៥៨៥ អ្នកបើកបរឈ្មោះថេង ធារ៉ា ភេទប្រុសអាយុ៣០ឆ្នាំ រស់នៅភូមិព្រែកព្រះអង្គ ឃុំព្រែកបាក់ ស្រុកស្ទឹងត្រង់ ខេត្តកំពង់ចាម ពេលកំពុងបើកបរបានជ្រុលចង្កូត ទៅបុកចូលផ្ទះប្រជាពលរដ្ឋមួយកន្លែង បណ្តាលឲ្យម្ចាស់ផ្ទះ រងគ្រោះឈ្មោះសេង ឌឿន ភេទប្រុស អាយុ៣៣ឆ្នាំ រងរបួស ប៉ុន្តែមិនប៉ះពាល់ដល់អាយុជីវិតទេ និងខូចខាតសម្ភារៈក្នុងផ្ទះមួុយចំនួនទៀត។
ក្រោយកើតហេតុ ជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យ ចំណែករថយន្ត និងអ្នកបើកបរ សមត្ថកិច្ចបានចាត់ចែងតាមនិតិវិធី៕
ប្រភព៖ Huy Bunleng News
