ភ្នំពេញ៖ កាលពីម៉ោងប្រមាណ ៣:២០ទាបភ្លឺ ថ្ងៃទី៨ ខែកុម្ភៈ ឆ្នាំ២០២២នេះ បានអោយដឹងថា មានករណីបុរសម្នាក់បើករថយន្តទំនើបមួយគ្រឿងបានរេចង្កូតឡើងខឿន នឹងបុកបង្គោលភ្លើង នៅចំណុចបណ្ដោយផ្លូវR11 កែងផ្លូវR8 ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
បើយោងតាមប្រភពពីកន្លែងកើតហេតុបានអោយដឹងថារថយន្តទំនើបខាងលើម៉ាក Audi Q7 ពណ៌ខ្មៅ ពាកស្លាកលេខ ភ្នំពេញ 2BH-7575 បានបុកបង្គោលភ្លើងអោយបាក់អស់មួយដើម។ ក្រោយកើតហេតុ សមត្ថកិច្ចជំនាញបានធ្វើការវាស់វែង និងយករថយន្តទៅរក្សាទុក ដើម្បីរងចាំការដោះស្រាយ៕
