ពោធិ៍សាត់ ៖ បុរសម្នាក់ត្រូវបានសមត្ថកិច្ចចាប់ឃាត់ខ្លួនពីបទរំលោភសេពសន្ថវ: នៅថ្ងៃទី០២ ខែកុម្ភៈឆ្នាំ២០២២ នៅវេលាម៉ោង០៩និង០២ នាទីព្រឹក ។
សមត្ថកិច្ចនគរបាលស្រុកក្រគរបានឲ្យដឹងថា ការឃាត់ខ្លួនជនសង្ស័យខាងលើនេះធ្វើឡើងបន្ទាប់ពីនារីរងគ្រោះឈ្មោះ ម.ស.ព្រ អាយុ២២ឆ្នាំ រស់នៅភូមិអូរសណ្តាន់ ឃុំអូរសណ្តាន់ ស្រុកក្រគរ ខេត្តពោធិ៍សាត់ ដោយបានប្ដឹងទៅលើបុរសឈ្មោះ ទុយ ទី (ហៅ គី )អាយុ៣៥ឆ្នាំ ជនជាតិខ្មែរ រស់នៅភូមិឃុំជាមួយគ្នា ថាបានរំលោភសេពសន្ថវៈមកលើខ្លួន កាលពីថ្ងៃទី៣១ ខែមករា ឆ្នាំ២០២២ វេលាម៉ោងប្រហែល០៨យប់ នៅចំណុចអន្សៅស្អាង ស្ថិតនៅភូមិអូរសណ្តាន់ ឃុំអូរសណ្តាន់ ស្រុកក្រគរ ខេត្តពោធិ៍សាត់ ។
យោងតាមពាក្យបណ្ដឹងនិងការបំភ្លឺរបស់ជនរងគ្រោះបានរៀបរាប់ថា នៅថ្ងៃទី៣១ ខែមករា ឆ្នាំ២០២២ នៅវេលាម៉ោងប្រហែល០៨យប់ ខ្លួនកំពុងអង្គុយហូបបាយនៅផ្ទះយាយឈ្មោះ ស៊ិន ថុល ។ ពេលនោះឈ្មោះ ទុយ ទី (ហៅ គី) ក៏ជិះម៉ូតូមកដល់ ហើយបបួលខ្លួនអោយឡើងជិះម៉ូតូជាមួយទៅចំណុចអន្សៅស្អាង ស្ថិតនៅភូមិអូរសណ្តាន់ ឃុំអូរសណ្តាន់ ស្រុកក្រគរ ខេត្តពោធិ៍សាត់ ។ ពេលជិះទៅដល់កន្លែងកើតហេតុ ឈ្មោះ ទុយ ទី បានចាប់ក្របួចកអាវខ្លួនអោយដួលទៅលើភ្លឺស្រែ ហើយបានធ្វើសកម្មភាពរំលោភមកលើខ្លួនបានសម្រេចតែម្តង ។ បន្ទាប់មកក៏នាំគ្នាទៅហូបគុយទាវ នៅឃុំបឹងកន្ទួត រួចបាននាំខ្លួនមករំលោភនៅស្រះចិញ្ចឹមត្រីរបស់តាគុណ បានសម្រេចម្ដងទៀត រួចក៏បាននាំគ្នាជិះម៉ូតូសំដៅមកផ្ទះដល់ពាក់កណ្ដាលផ្លូវបានជួបបងថ្លៃ ហើយក៏បានជិះម៉ូតូជាមួយបងថ្លៃវិញ ។
តាមកំណត់ហេតុស្រង់ចម្លើយរបស់ជនសង្ស័យឈ្មោះ ទុយ ទី (ហៅ គី) បានសារភាពថា ខ្លួនពិតជាបានរំលោភសេពសន្ថវៈលើនារីរងគ្រោះរហូតបានសម្រេចចំនួន០២ដងមែន កាលពីថ្ងៃទី៣១ ខែមករា ឆ្នាំ២០២២ វេលាម៉ោង០៨ យប់ ។
បច្ចុប្បន្ន ជនសង្ស័យបានឃាត់ខ្លួននៅអធិការដ្ឋានគរបាលស្រុកក្រគរ តាមបញ្ជារបស់ឯកឧត្តម កូយ កាន់យ៉ា ព្រះរាជអាជ្ញាអមសាលាដំបូងខេត្តពោធិ៍សាត់ ដើម្បីអនុវត្តបន្តតាមនីតិវិធី ៕
