ភ្នំពេញ៖ កាលពីម៉ោងប្រមាណ ១២រំលងអាធ្រាត្រ ចូលថ្ងៃទី២៩ ខែមករា ឆ្នាំ២០២២នេះ មានករណីរថយន្តព្រូសបើកធ្លាក់ចូលបឹងតាមោក ដែលកើតឡើងនៅចំណុច ផ្លូវបេតុងលេខ១៥១ ភូមិសំរោងខាងត្បូង សង្កាត់សំរោង ខណ្ឌព្រែកព្នៅ ភ្នំពេញ។
បើយោងតាមប្រភពពីកន្លែងកើតហេតុបានអោយដឹងថា រថយន្តព្រូសខាងលើមានពាកស្លាកលេខ ភ្នំពេញ 2BN-1074។ នៅពេលកើតហេតុរថយន្តបានបើកជ្រុលធ្លាក់ចូលបឹងតាមោក ស្របពេលនោះប្រជាពលរដ្ឋនៅកន្លែងកើតហេតុបានឃើញហេតុការណ៍ ក៏បានចុះទៅបំបែកកញ្ចក់ ដើម្បីជួយសង្គ្រោះម្ចាស់រថយន្ត។
ក្រោយកើតហេតុសមត្ថកិច្ចមូលដ្ឋានចុះត្រួតពិនិត្យមេីលនៅកន្លែងកេីតហេតុផងដែរ៕
