ភ្នំពេញ៖ កាលពីម៉ោងប្រមាណ ២:៣០នាទីយប់រំលងអាធ្រាត្រឈានចូលថ្ងៃទី២៣ ខែមករា ឆ្នាំ២០២២នេះ មានករណីបុរសជនជាតិបរទេសមួយក្រុមជិះរថយន្ដម៉ាក Starex មួយក្នុងល្បឿនលឿនបុកជ្រុលទៅបុកខឿនសួនច្បារពុះចែកទ្រូងផ្លូវបណ្ដាលឲ្យរងការខូចខាត ហេតុការណ៍នេះស្ថិតតាមផ្លូវសហព័ន្ធរុស្ស៊ី ក្នុងសង្កាត់មិត្តភាព ខណ្ឌ៧មករា រាជធានីភ្នំពេញ។
ក្នុងនោះរថយន្តបង្កហេតុពាកស្លាកលេខភ្នំពេញ 2BB-2378។ ក្រោយពេលកេីតហេតុសមត្ថកិច្ចជំនាញចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ចុះមកធ្វើការវាស់វែងនិងយករថយន្តទៅរក្សាទុកនិងរងចាំការដោះស្រាយតាមពេលក្រោយ៕
