ព្រះសីហនុ៖ កាលពីម៉ោងប្រមាណ ១រសៀល ថ្ងៃទី១៥ ខែមករា ឆ្នាំ២០២២ នៅតាមបណ្ដោយផ្លូវឆ្នេរឯករាជ្យ ជិតស្ពានបឹងទឹកសាប (ផ្លូវសណ្ឋាគារ ៧ ជាន់) ស្ថិតនៅក្នុងសង្កាត់ ០៣ ក្រុង/ខេត្តព្រះសីហនុ មានករណីគ្រោះថ្នាក់ចរាចរណ៍មួយបានកើតឡើងដោយរថយន្តសេរីទំនើបមួយគ្រឿងបានបុកជាមួយនឹងម៉ូតូរួចក៏ជ្រុលទៅបុកបង្គោលភ្លើងបំភ្លឺផ្លូវបណ្ដាលឱ្យរងការខូចខាតផ្នែកខាងមុខយ៉ាងដំណំ។
បើយោងតាមកប្រភពពីកន្លែងកើតហេតុបានអោយដឹងថារថយន្តខាងលើបើកបរក្នុងល្បឿនលឿនបានបត់ផ្លូវកែងនៅតាមបណ្ដោយផ្លូវស្វាស្រាប់តែជ្រុលចង្កូតបួងមិនផុត បានឡើងកាឡាទៅបុកម៉ូតូដែលចតចោលជាមួយមនុស្សចំនួន ០២នាក់ បណ្ដាលឲ្យរងរបួសស្រាល រួចក៏ជ្រុលចង្កូតទឹកមុខជាមួយនឹងបង្គោលភ្លើងបំភ្លឺផ្លូវ បណ្ដាលឲ្យរថយន្តរងការខូចខាតយ៉ាងដំណំ។ រថយន្តខាងលើម៉ាកFerrari ពាក់ស្លាកលេខ ភ្នំពេញ 2BK-5555។
ក្រោយកើតហេតុសមត្ថកិច្ចនគរបាលចរាចរណ៍ផ្លូវគោកបានទៅវិញរួចលើកយកដៃទាំងសងខាងទៅរក្សាទុកនៅការិយាល័យចរាចរណ៍ដើម្បីធ្វើការដោះស្រាយតាមនីតិវិធីច្បាប់៕
