កំពង់ចាម៖ កាលពីល្ងាចថ្ងៃទី៧ ខែមករា ឆ្នាំ ២០២២កន្លងមក កម្លាំងនគរបាលខេត្តកំពង់ចាមបានចុះ បង្ក្រាបករណីបើកនិងលេងល្បែង ស៊ីសងប្រភេទអាប៉ោងនិង ចាប់មនុស្សចំនួន៥នាក់ក្នុង រោង ចិញ្ចឹម ទាមួយកន្លែងស្ថិតនៅ ភូមិ ព្រៃ ចារ ក្នុងឃុំ ព្រៃ ចារស្រុក ជើងព្រៃខេត្តកំពង់ចាម។
បើយោងតាមប្រភពពីសមត្ថកិច្ចបានឱ្យដឹងថា ជនសង្ស័យទាំង ៥នាក់មានឈ្មោះ អ៊ុន ខេនា អាយុ ៤១ឆ្នាំ, ឈ្មោះ នាង សឿន អាយុ ៣៦ឆ្នាំ, ឈ្មោះ សេង នី អាយុ ៣១ឆ្នាំ, ឈ្មោះ ពេញ វុទ្ធី អាយុ ២៣ឆ្នាំ និងឈ្មោះ ណាល់ ណាត អាយុ ៣៤ឆ្នាំ។ អ្នកទាំង៥នាក់រស់នៅ ភូមិ សៀម បោយ ឃុំ ព្រៃ ចារ ស្រុក ជេីង ព្រៃ ខេត្តកំពង់ចាម ។
សមត្ថកិច្ចបន្តថាក្នុងប្រតិបត្តិការណ៍នេះដកហូត វត្ថុតាងរួមមាន ប្រាក់រៀល ២១០.០០០ រៀល, ទូរសព្ទ៣ គ្រឿង, ម៉ូតូ៨ គ្រឿង, ផ្តិល គ្រប អាប៉ោង១, ចាន អាប៉ោង១, ចាន ទ្រ អាប៉ោង១, ហាន់ តោ១ ។ បច្ចុប្បន្ន ជនសង្ស័យ រួម និង វត្ថុ តាងត្រូវ បាន បញ្ជូនទៅស្នងការដ្ឋាន នគរបាល ខេត្តកំពង់ចាម ដើម្បីចាត់ការបន្ត៕
ប្រភព៖ សហការី
