កំពង់ស្ពឺ៖ កាលពីយប់ថ្ងៃទី៨ ខែមករា ឆ្នាំ២០២២ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូនិងម៉ូតូ នៅចំណុចផ្លូវលេខ១៤២ ក្នុងភូមិអន្លង់សង្កែ ឃុំតាសាល ស្រុកឱរ៉ាល់ ខេត្តកំពង់ស្ពឺ បណ្តាលអោយមានអ្នករបួសធ្ងន់។
បើតាមប្រភពពីសមត្ថកិច្ចបានអោយដឹងថា មុនកើតហេតុម៉ូតូម៉ាកហុងដាឌ្រីមផ្លាកកលេខកំពង់ស្ពឺ 1J-0194 បើកបរដោយឈ្មោះ រ៉ាក់ ភេទប្រុស របួសធ្ងន់។ ចំណែកអ្នករួមដំណើរ ឈ្មោះ ណាង ផល្លីន ភេទប្រុស អាយុ ១៧ឆ្នាំ របួស រស់នៅភូមិតាដែស ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។ ម៉ូតូខាងលើបានបុកជាមួយម៉ូតូម៉ាកហុងដាឌ្រីមផ្លាកលេខភ្នំពេញ 1N-4912ពេញទំហឹង ដែល បើកបរដោយ ឈ្មោះ ជីម ជាង ភេទប្រុស អាយុ ១៨ឆ្នាំ របួសធ្ងន់។ អ្នករួមដំណើរឈ្មោះ បុល ភេទប្រុស អាយុ១៨ឆ្នាំ របួសធ្ងន់។ អ្នកទាំង ២ រស់នៅភូមិតាដែស ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។ ខូចខាតសម្ភារ ម៉ូតូ២គ្រឿងមួយកំណាត់មុខធ្ងន់។ចំណែកជនរងគ្រោះទាំង៤នាក់ត្រូវបានសាច់ញាតិបញ្ជូនទៅសង្គ្រោះនៅមន្ទីពេទ្យ៕
ប្រភព៖ សហការី
